«سامۇرىق- قازىنا» قىتاي ۆاكسيناسىن نەگە ساتىپ الدى؟

بۇل جايتقا قاتىستى دەنساۋلىق ساقتاۋ مينيسترلىگى پىكىر ءبىلدىردى. قولدا بار پرەپارات 500 مىڭ ادامعا سالىنادى دەپ جوسپارلانعان. ءبىرىنشى كەزەكتە قور قىزمەتكەرلەرى مەن ولاردىڭ وتباسىلارى ەگىلەدى.

ايتا كەتەيىك، «سامۇرىق- قازىنا» كومپانيالار توبىنا 300-گە جۋىق كاسىپورىن كىرەدى. وندا 276 مىڭداي ادام ەڭبەك ەتەدى.

ايجان ەسماعامبەتوۆا، ق ر د س م سانيتارلىق- ەپيدەميولوگيالىق باقىلاۋ كوميتەتىنىڭ ءتوراعاسى:

- ۆاكسينا «سامۇرىق- قازىنا» قارجىسى ەسەبىنەن الىندى. جالپى، بۇل وتە جاقسى دەپ ويلايمىن. بۇگىندە ەكپە الۋ قاۋىپتى كەسەلدى جەڭۋدىڭ جالعىز جولى بولىپ وتىر. سوندىقتان بىزگە نەعۇرلىم قىسقا ۋاقىتتىڭ ىشىندە ۇجىمدىق يممۋنيتەتتىڭ قالىپتاسقانى كەرەك.

مارات مۇحامەدساليەۆ، «سامۇرىق- قازىنا» ۇ ءا ق PR- قىزمەتىنىڭ جەتەكشىسى:

- مەملەكەت باسشىسىنىڭ تاپسىرماسىن ورىنداۋ ماقساتىندا «سامۇرىق- قازىنا» كوروناۆيرۋسقا قارسى ۆاكسينانىڭ 1 ميلليون دوزاسىن ساتىپ الدى. ۆاكسينانىڭ ءتۇرى، ونى ساتىپ الۋ، جەتكىزۋ جانە تاراتۋ جۇمىستارىمەن «س ك فارماتسيا» جانە دەنساۋلىق مينيسترلىگى اينالىسادى. قور ءوز قىزمەتكەرلەرىنىڭ قاۋىپسىزدىگىن باستى ورىنعا قويىپ وتىر. الداعى ۋاقىتتا جاپپاي ەگۋ جۇمىستارىن جۇرگىزەمىز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى