ۆاكسينا الماي تۇرىپ انتيدەنەنىڭ بار-جوعىن انىقتاۋ ماڭىزدى ما
«ۆاكسينا الماي تۇرىپ اعزادا انتيدەنەنىڭ بار-جوعىن تەكسەرۋ كەرەك پە؟ قازىر وسىنداي سۇراق كوپ. وندىرۋشىلەردى ءبارى، دۇنيەجۇزىلىك دەنساۋلىق ساقتاۋ ۇيىمىنىڭ ساراپشىلارى اۋرۋدان كەيىن التى اي وتكەن بولسا، انتيدەنەنىڭ بار- جوعىن تەكسەرۋدىڭ قاجەتى جوق دەگەن ۇسىنىس ايتۋدا. ياعني، ەكپە العان ءجون»، - دەدى تيمۋر مۇراتوۆ اكىمدىكتە وتكەن دوڭگەلەك ۇستەل بارىسىندا.
ول، سونداي-اق، انتيدەنەلەردىڭ تيىمدىلىگى تۋرالى ناقتى مالىمەتتەر جوق ەكەنىن ەسكە سالدى.
«انتيدەنەلەردى انىقتاعاننان كەيىن قانداي ۇسىنىستار بەرىلەدى؟ ازىرگە ناقتى شەشىم جوق جانە مۇنىڭ ءبارى ۆاكسينانىڭ پايدالى ەكەنىن كورسەتەدى. مىسالى بىرىككەن اراب امىرلىكتەرىندە انتيدەنەلەردى انىقتاۋعا جانە حالىقتى اداستىرماۋعا تىيىم سالىنعانىن قوسىمشا حابارلاعىم كەلەدى»، - دەپ تولىقتىردى تيمۋر مۇراتوۆ.
ءسوز سوڭىندا قاجەت بولعان جاعدايدا انتيدەنەلەردىڭ بولۋىنا تالداۋدى كوممەرتسيالىق جەلىنىڭ كەز-كەلگەن زەرتحاناسىندا تاپسىرۋعا بولاتىندىعىن دا ايتتى.
اۆتور: ەسىمجان ناقتىباي
