نۇر-سۇلتان ۆاكسينالاۋ بويىنشا كوشباسشى وڭىرلەر قاتارىندا تۇر
بۇل تۋرالى «ۇلتتىق عىلىمي مەديتسينالىق ورتالىق» اكسيونەرلىك قوعامىنىڭ باسقارما ءتوراعاسى اباي بايگەنجين مالىمدەدى، دەپ حابارلايدى قازاقپارات ءتىلشىسى.
«مەن «نۇر وتاننىڭ» پارتيالىق كوميسسياسى جۇمىس توبىنىڭ ءتوراعاسىمىن. ءبىز قازىر ەلىمىزدىڭ بارلىق وڭىرلەرىندە ۆاكسينالاۋ ماسەلەسىن ەرەكشە باقىلاۋعا الدىق. ساندىق دەرەكتەر قولىمىزعا ۇدايى ءتۇسىپ تۇراتىندىقتان، جاعدايدى جاقسى زەرتتەپ ءبىلىپ وتىرۋعا مۇمكىندىگىمىز بار. ەلوردامىز وسى ىستە كوشباسشىلاردىڭ قاتارىندا تۇرعانى مەنى قۋانتقانىن ايتقىم كەلەدى. شاماسى، ەلوردالىقتار ۆاكسينانىڭ ماڭىزىن سانالى تۇردە ۇققان سياقتى» - دەدى اباي بايگەنجين دوڭگەلەك ۇستەل بارىسىندا.
سونداي-اق، ول استانا تۇرعىندارى ۆاكسينالاۋ ىسىندە وزگە وڭىرلەر مەن قالالارعا ۇلگى بولۋ كەرەكتىگىن ايتتى. وسى شارادا ەلوردانىڭ «قىزىل» ايماقتان نەلىكتەن شىعا الماي وتىرعانى دا ايتىلدى. نۇر-سۇلتان قالاسى اكىمىنىڭ ورىنباسارى باقتيار ماكەننىڭ اۋتىنشا، ءساۋىر ايىنىڭ باسىنان بەرى ەلوردادا 100 مىڭنان استام ادام ۆاكسينا الىپ ۇلگەرگەن.
