جاپونيالىق كولىك كومپانياسى ءۇندىستاندىقتارعا قول ۇشىن سوزباق

بۇل ەلدە COVID-19 ۆيرۋسىنا شالدىققان پاتسيەنتتەر سانىنىڭ كۇرت ءوسىپ، ولاردى ەمدەۋ ءۇشىن قولدانىلاتىن ونەركاسىپتىك وتتەگىنىڭ تاپشىلىعىن قىسقارتۋ ماقساتىندا جاسالاتىن ارەكەت بولماق، دەپ حابارلايدى قازاقپارات NikkeiAsia-عا سىلتەمە جاساپ.

سەنبىدەن باستاپ 9-مامىرعا دەيىن Maruti Suzuki مانەسارا مەن گۋرۋگراماداعى ەكى زاۋىتىن جابادى.

«قازىرگى جاعدايدا بىزگە قولجەتىمدى وتتەگىنىڭ بارلىعى ادام ءومىرىن قۇتقارۋعا قولدانىلۋى ءتيىس دەپ سانايمىز»، - دەلىنگەن Maruti Suzuki مالىمدەمەسىندە. Suzuki Motor Gujarat تا ءوز زاۋىتىنىڭ جۇمىسىن توقتاتادى.

Toyota Kirloskar Motor كومپانياسى كارناتاكا شتاتىنداعى بيداديدە ەكى زاۋىتىنىڭ 14-مامىرعا دەيىن سوزىلاتىن جىل سايىنعى تەحنيكالىق قىزمەت كورسەتۋگە كىرىسكەنىن حابارلادى. قازىرگى كەزدە كوروناۆيرۋس ينفەكسياسىنىڭ ەكىنشى تولقىنىمەن كۇرەس جۇرگىزىپ جاتقان ءۇندىستان وتتەگىنىڭ كۇردەلى تاپشىلىعىنا تاپ بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى