قاي وڭىرلەردە كەدەيلىك جوعارى – ستاتيستيكا

بۇل تۋرالى ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنان ءمالىم ەتتى، دەپ حابارلايدى قازاقپارات.

2020 -جىلى ءۇي شارۋاشىلىقتارىن زەرتتەۋ دەرەگى بويىنشا، تابىسى ەڭ تومەنگى كۇنكورىس دەڭگەيىنىڭ شاماسىنا جەتپەيتىن حالىق ۇلەسى %5,3 قۇرادى (2019 -جىلى - %4,3).

2020 -جىلى كەدەيلىكتىڭ ەڭ جوعارى ماندەرى تىركەلگەن وڭىرلەر:

- تۇركىستان وبلىسى % 12,2؛

- سولتۇستىك قازاقستان وبلىسى %6,7؛

- شىعىس قازاقستان وبلىسى %6,5

كەدەيلىكتىڭ ەڭ از ۇلەسى - نۇر- سۇلتان قالاسىندا % 1,5.

قالالىق جانە اۋىلدىق جەردەگى تابىس ايىرماشىلىعى ءالى دە بار. ماسەلەن، قالالىق جەردە تابىسى ەڭ تومەنگى كۇنكورىس دەڭگەيىنىڭ شاماسىنا جەتپەيتىن حالىقتىڭ ۇلەسى - % 3,7، ال اۋىلدىق جەردە% 7,6 قۇرايدى.

2020 -جىلى كەدەيلىكتىڭ اۋىلدىق جانە قالالىق دەڭگەيلەرى اراسىنداعى ەڭ ۇلكەن ايىرماشىلىق اتىراۋ (9,8 ەسە) ، ماڭعىستاۋ (3,2 ەسە) وبلىستارىندا بايقالدى.

«2020 -جىلى دجيني كوەففيتسيەنتى 0,291 قۇرادى. حالىقتىڭ %10 ەڭ از جانە %10 ەڭ كوپ قامتاماسىز ەتىلگەن توپتارىنىڭ اراسالماعى (قورلار كوەففيتسيەنتى) 5,9 ەسەنى قۇرادى. كەدەيلىكتىڭ تەرەڭدىگى مەن وتكىرلىگى سايكەسىنشە %0,8 جانە %0,2 بولدى»، - دەلىنگەن ۇلتتىق بيۋرو مالىمەتىندە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى