بريتانيالىق جىگىت قاشىقتان جۇمىس ىستەۋدىڭ وزگەشە ءتاسىلىن تاپتى

ول يرلانديا تەڭىزىنىڭ جاعاسىنداعى جارتاستىڭ جيەگىندە وتىرىپ، شارۋاسىن تىندىرادى. دجەيسون گريففيننىڭ ايتۋىنشا، بۇل كوروناۆيرۋس ىندەتى كەزىندەگى ەڭ كۇشتى جۇمىس ورنى. تىپ- تىنىش. كادىمگى كەڭسەدەگىدەي كوپ ادام جوق. تەك تەڭىز شۋى مەن قۇستار ءۇنى ەستىلىپ تۇرادى.

دجەيسون گريففينس، قوڭىراۋ شالۋ ورتالىعىنىڭ كەڭەسشىسى:

- جارتاستا سالبىراپ تۇرعان كەڭسەدە كۇنى بويى جۇمىس ىستەيمىن. وسى قۇزدا وتىرىپ قوڭىراۋلاردى قابىلدايمىن، ارىپتەستەرمەن سويلەسەمىن، وسىلايشا، قاشىقتا جۇمىس ىستەۋدىڭ جاڭا ۇلگىسىن كورسەتەمىن.

ەيد ماككورماك، ديدجيتال ستراتەگ:

- سيفرلىق كوشپەندىلىكتىڭ دامىپ كەلە جاتقانىن كورىپ وتىرمىز. ادامدار ءبىر كەڭسەگە بايلانىپ جۇمىس ىستەگىسى كەلمەيدى. ەڭ باستىسى ينتەرنەتىڭ، تەحنولوگياڭ جانە ارينە، نوۋتبۋگىڭ بولسا جەتكىلىكتى. ءبارىمىز سيفرلىق سۋناميدىڭ كەلە جاتقانىن عانا كوردىك، ءبىراق COVID-19 تۇرىندە بيولوگيالىق سۋناميدىڭ كەلە جاتقانىن اڭعارماي قالدىق. COVID-19 - يندۋستريالىق ءداۋىردىڭ اياقتالعانىن بىلدىرەتىن بەيرەسمي ءراسىم. قاشىقتان جۇمىس ىستەۋ بۇرىننان كۇن تارتىبىندە تۇرعان بولاتىن. COVID-19 وسى ۇدەرىستى 10 جىلعا تەزدەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى