فۋتزالدان چەمپيوندار ليگاسى: «قايرات» جارتىلاي فينالعا جولداما الدى

اتالعان كەزدەسۋ تارتىستى ءوتتى. ەسەپتى العاش بولىپ قازاقستاندىق كلۋب ساپىنان 16-مينۋتتا گادەيا سوقتى. كوپ ۇزاماي «بەنفيكا» قاتارىنان جەزۋش افونسۋ تارازى باسىن تەڭەستىردى.

ەكىنشى كەزەڭنىڭ 30-مينۋتىندا «قايرات» قۇرامىنان ەدسون قايتادان كومانداسىن العا شىعاردى.

ال 34-مينۋتىندا پورتۋگالدىق تياگۋ بريتۋ تاعى دا ەسەپتى تەڭەستىرىپ كەتتى.

نەگىزگى كەزەڭ 2:2 ەسەبىمەن اياقتالىپ، ويىن وۆەرتايمعا ۇلاستى.

وۆەرتايمنىڭ 44-مينۋتىندا قازاقستاندىق داۋرەن تۇرساعۇلوۆ كومانداسىن العا شىعارسا، 46-مينۋتتا تاعى ءبىر قايراتتىق گادەيا مەرگەندىك تانىتتى.

«قايرات» ساپىنان فەرناندينو 48-مينۋتتا ەسەپتى ۇلعايتسا، 49-مينۋتتا ءبىرجان ورازوۆ قورىتىندى ەسەپتى بەلگىلەدى.

وسىلايشا «قايرات» قارسىلاسىن 6:2 ەسەبىمەن جەڭىپ، جارتىلاي فينالعا جولداما الدى.

ەندى ولارعا «بارسەلونا» (يسپانيا) - «دوبوۆەتس» (سلوۆەنيا) جۇبىنىڭ جەڭىمپازى قارسىلاس اتانادى. سونداي-اق، شيرەك فينالدا «بارسەلونا» (يسپانيا) - «دوبوۆەتس» (سلوۆەنيا) كوماندالارىنان وزگە «ينتەر» (يسپانيا) - «گازپروم-يۋگرا» (رەسەي)، «سپورتينگ» (پورتۋگاليا) - ك پ ر ف (رەسەي) كوماندالارى كەزدەسەدى.

ءتورت جۇپتاعى سەگىز كوماندا 28- ءساۋىر جانە 3- مامىر ارالىعىندا حورۆاتيانىڭ زادار قالاسىندا وتكىزىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى