پاندەميا كەزىندەگى قاۋىپسىز ەلدەر رەيتينگى جاريالاندى

سينگاپۋر پاندەمياعا ۇزدىك «قارسىلىق كورسەتكەن» ەلدەر ءتىزىمىنىڭ جوعارعى ساتىسىنا كوتەرىلىپ، رەيتينگ قۇرىلعاننان بەرى كوشباسشى بولعان جاڭا زەلانديانى باسىپ وزدى.

بۇل رەيتينگكە الەمدەگى دامىعان 53 مەملەكەت كىرەدى. ونى قۇرۋ كەزىندە ەلدەردىڭ ەكونوميكالىق جانە الەۋمەتتىك جاعدايىنا نازار اۋدارىلعان. بلۋمبەرگ ەلدەردەگى جاعدايدى 10 پارامەتر بويىنشا تالدايدى.

اتاپ ايتقاندا، اۋرۋلار سانى، قايتىس بولعاندار سانى، ۆاكسيناتسيا پروتسەسى جانە ەل بويىنشا ادامداردىڭ ءجۇرىپ-تۇرۋ ەركىندىگى دە ەسكەرىلگەن.

سينگاپۋر العاش رەت رەيتينگتىڭ جوعارعى ساتىسىنا كوتەرىلدى. بۇل ۆاكسيناتسيا پروتسەسىنىڭ تەز جانە دۇرىس ۇيىمداستىرىلعانىنان بولدى. ۆاكسيناتسيا بويىنشا كوشباسشىلاردىڭ ءبىرى - يزرايل 4-ورىنعا كوتەرىلدى. پولشا، ارگەنتينا جانە برازيليا ءتىزىمنىڭ سوڭىندا تۇر.

ايتا كەتەيىك، 6 ميلليونعا جۋىق حالقى بار سينگاپۋردا 61 مىڭ ادامنان كوروناۆيرۋس انىقتالدى. ولاردىڭ وتىزى قايتىس بولىپ، كوپشىلىگى ساۋىعىپ كەتتى. وسى ۋاقىتقا دەيىن 9,3 ميلليونعا جۋىق سينگاپۋرلىقتار كوروناۆيرۋسقا قارسى تەست تاپسىرعان. بۇل ەل حالقىنىڭ سانىنان 4 ميلليونعا ارتىق.

وسى ۋاقىتقا دەيىن سينگاپۋرلىقتاردىڭ 23 پايىزى كوروناۆيرۋسقا قارسى ۆاكسينادان وتكەن. حالىقتىڭ %14 ەكىنشى ۆاكسينانى العان. سينگاپۋرلىقتار Pfizer جانە Moderna ۆاكسيناسىن اقىسىز ەكتىرىپ جاتىر. ۆاكسينا العاننان كەيىن جاعىمسىز بەلگىلەردى سەزىنگەن ەل ازاماتتارىنا مەملەكەت 7,5 مىڭ ا ق ش دوللارى كولەمىندە وتەماقى تولەيدى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى