ىندەت ورشىگەن ءۇندىستاننان بايلار قاشىپ جاتىر

اسىرەسە ەۋروپا، تاياۋ شىعىسقا بەت العان اۋقاتتى جولاۋشى كوپ. باسقا ەلدەرگە جەكە ۇشاقپەن ۇشاتىندار سانى ارتىپ، كوممەرتسيالىق رەيستەردىڭ بيلەتى كۇرت قىمباتتاعان. مىسالى، برىككەن اراب امىرلىكتەرىنە ۇشاق بيلەتىنىڭ باعاسى 10 ەسە وسكەن.

ءۇندىستانداعى ەپيدەميولوگيالىق احۋال كۇن وتكەن سايىن قيىنداپ بارادى. ەلدە تىركەلگەن جاڭا ناۋقاستاردىڭ سانى كوبەيىپ، ءولىم- ءجىتىم كورسەتكىشى دە ارتىپ جاتىر. وتكەن اپتادا 320 مىڭنان استام ادام ىندەتتىڭ ىلمەگىنە ىلىككەن. قازىر ىندەتپەن كۇرەسۋ جۇمىستارىنا قىزىل كرەست ۇيىمىنىڭ ۆولەنتەرلەرى تارتىلىپ جاتىر. سونىمەن قاتار وزگە دە مەملەكەتتەر مەديتسينالىق قۇرال- جابدىقتار جىبەرىپ، كومەكتەسىپ جاتىر. دەگەنمەن ەلدە ءالى دە ءدارى- دارمەك پەن وكپەنى جاساندى جەلدەتۋ اپپاراتتارى تاپشى.

ۋدايا رەگمي، قىزىل كرەست ۇيىمىنىڭ وكىلى:

- بۇگىندە ءۇندىستان كوروناۆيرۋس ىندەتىنىڭ ۋشىققان وشاعىنا اينالىپ وتىر. قازىر ەلدە ءدارى- دارمەكتەن بولەك مەديتسينالىق قىزمەتكەرلەر دە جەتىسپەي تۇر. ءبىر تاۋلىكتە ۆيرۋس جۇقتىرىپ وتىرعان ازاماتتاردىڭ سانى 300 مىڭنان اسادى. جەرگىلىكتى بيلىك ايماقتاعى ەپيداحۋالدى باقىلاۋدا ۇستاۋ ءۇشىن بار كۇشىن سالىپ جاتىر. ءبىر نەمەسە ەكى اپتادان كەيىن جاعدايدىڭ وڭالاتىنىنا سەنەمىز.

سوڭعى اپتادا تاۋلىگىنە ءۇندىستاندا كوروناۆيرۋستان ورتاشا 2336 ادام قايتىس بولۋدا. ەلدەگى ەڭ اۋىر جاعداي دەليدە، مۇندا اۋرۋحانالاردا ءو ج ج ا ورناتىلعان ورىندار قالماعان. باسقا ءىرى قالالاردا دا جاعداي وسىنداي. رەسمي ستاتيستيكا بويىنشا، پاندەميانىڭ باسىنان بەرى ءۇندىستاندا 17 ميلليون ادام كوروناۆيرۋس جۇقتىرىپ، 192 مىڭ ادام قايتىس بولعان.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى