نۇر-سۇلتان مەن الماتىدان الاكولگە قاتىنايتىن پويىزدار بەكىتىلدى

بيىل جازدا الماتى مەن نۇر-سۇلتاندى «دوستىق» ستانساسىمەن جالعايتىن جاڭا پويىز جولعا شىعادى.

بۇل تۋرالى ق ر ي ي د م كولىك كوميتەتىنىڭ ءتوراعاسى سامات عىلىموۆ ۆەدومستۆونىڭ Telegram-كانالىندا ايتتى.

«يندۋستريا جانە ينفراقۇرىلىمدىق دامۋ مينيسترلىگى الماتى جانە نۇر-سۇلتان قالالارىنان الاكولگە قاتىنايتىن پويىزدار مەن تىركەمە ۆاگونداردىڭ سانىن ارتتىرۋ بويىنشا ماقساتتى تۇردە جۇمىس جۇرگىزىپ وتىر. 17-ماۋسىمنان باستاپ حالىقتىڭ سۇرانىسىن قاناعاتتاندىرۋ ءۇشىن اپتاسىنا ءۇش رەت «الماتى- دوستىق» پويىزى قاتىناي باستايدى. سونداي-اق، جاز مەزگىلىندە نۇر-سۇلتان- دوستىق پويىزى جولعا شىعارىلادى»، - دەيدى كوميتەت ءتوراعاسى.

مينيسترلىك بەكىتكەن الاكولگە قاتىنايتىن تەمىرجول باعىتتارىنىڭ ءتىزىمى مىناداي:

1. № 453/454 «الماتى-2- دوستىق»، جاز بويى، اپتاسىنا 3 رەت؛

2. « قىزىلوردا- سەمەي» باعىتىنداعى №21/22 پويىز قۇرامىندا «الماتى- دوستىق» رەيسى، جاز ماۋسىمىندا، كۇن سايىن 8 تىركەمەلى ۆاگون جۇرەدى؛

3. № 258/257 «نۇر-سۇلتان- دوستىق» ، جاز بويى، اپتاسىنا 2 رەت؛

4. № 54/53 «نۇر-سۇلتان- دوستىق»، اپتاسىنا 2 رەت؛

5. №121/122 «نۇر-سۇلتان- سەمەي»، جاز بويى، كۇن سايىن 6 تىركەمەلى ۆاگون؛

6. «الماتى- دوستىق» قاتىناسىنداعى جاڭا جولاۋشىلار پويىزى (10 ۆاگون)، 2021 -جىلدىڭ ماۋسىمىنان باستاپ اپتاسىنا 3 رەت.

ەسكە سالايىق، بيىلعى جازدا استانادان الاكولگە اپتاسىنا 3 رەت پويىز جۇرەتىنى تۋرالى پرەمەر-ءمينيستردىڭ ءبىرىنشى ورىنباسارى ءاليحان سمايىلوۆتىڭ توراعالىعىمەن وتكەن جيىندا ايتىلعان بولاتىن. سونداي-اق بۇعان دەيىن حابارلاعانىمىزداي، ءۇرجار اۋىلىنداعى اۋەجايدا كۇردەلى جوندەۋ جۇرەتىندىكتەن، الاكولدىڭ شىعىس قازاقستانداعى بولىگىنە قاتىنايتىن تەمىرجول جانە اۆتوبۋس رەيستەرىنىڭ سانى ارتتىرىلادى.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى