ۇشقىش جولاۋشىعا ۇشۋ قورقىنىشىن جەڭۋدىڭ تاسىلدەرىن ايتتى
بۇل تۋرالى ەر ادام «ياندەكس. زەن» پلاتفورماسىنداعى جەكە بلوگىندا جازدى، - دەپ حابارلايدى tengritravel.kz پورتالى Lenta.ru باسىلىمىنا سىلتەمە جاساپ.
ەڭ الدىمەن، اۋە كەمەسىنىڭ كومانديرى ساپار الدىندا كۇيزەلىستەن اۋلاق بولۋدى جانە مۇمكىندىگىنشە ىڭعايلى بولۋ ءۇشىن ۇشۋعا دايىندالۋدى ۇسىندى. ول جولاۋشىلارعا قوزعالىسقا كەدەرگى كەلتىرمەيتىن كيىم كيۋدى، سومكەنى دۇرىس جيناۋدى جانە ەشقاشان تىنىشتاندىراتىن دارىلەردى ىشپەۋگە كەڭەس بەردى، ويتكەنى توتەنشە جاعدايدا ول كەرىسىنشە زيان تيگىزەدى.
سونداي-اق، ماقالا اۆتورى قوزعالتقىشتى قوسقان كەزدە پايدا بولاتىن قاتتى شۋىلدان قورىقپاۋعا شاقىردى. ونىڭ ايتۋىنشا، بۇل - تەك ءبىر گيدروجۇيەدەن ەكىنشىسىنە قىسىم بەرەتىن قوندىرعى.
«ۇمىتپاڭىز، بورتسەرىكتەر بۇل دىبىستاردى جۇزدەگەن جانە مىڭداعان رەت ەستىدى جانە ولار ۇشاق ءۇشىن قالىپسىز دىبىستار بولسا، بىردەن بايقايدى»، - دەپ سەندىردى ۇشقىش.
سونىمەن قاتار، ۇشقىش ۇشۋ كەزىندە ءجيى پايدا بولاتىن جانە جولاۋشىلاردى قورقىتاتىن جوعارى- تومەن ۇشۋدىڭ اسەرىن ءتۇسىندىردى. ونىڭ ايتۋىنشا، ۇشقىشتار قوزعالتقىشتاردىڭ شۋىن ازايتۋ ءۇشىن ۇشاقتىڭ بۇرىشىن ءجيى وزگەرتەدى.
