ءبىر گەكتاردى شارپىدى: قاراعاندىدا ەكى كۇننەن بەرى قوقىس پوليگونى جانىپ جاتىر - فوتو

19-21-ساۋىردە قاراعاندى وبلىسى بۇقار جىراۋ اۋدانى دوسكەي اۋىلىنىڭ ماڭىنداعى قاتتى تۇرمىستىق قالدىقتار پوليگونىندا ءورت شىقتى. ءورتتى سوندىرۋگە توتەنشە جاعدايلار دەپارتامەنتى بولىمشەلەرىنىڭ، جەرگىلىكتى اتقارۋشى ورگانداردىڭ جانە ۇيىمداردىڭ كۇشتەرى جۇمىلدىرىلدى. جانۋ الاڭى 1200 شارشى مەتردى قۇرادى. ول كەزدە ءورت قۇرىقتالدى. الايدا، ءتورت كۇن وتكەن سوڭ ءدال سول پوليگون اۋماعىن تاعى دا وت شارپىپ، ەكى تاۋلىكتەن بەرى جالىنمەن كۇرەس ءجۇرىپ جاتىر.

«پوليگون قايتا جانا باستاعانى تۋرالى اقپارات 25-ساۋىردە كەلىپ ءتۇستى. شاقىرتۋعا ت ج د مەن جەرگىلىكتى اتقارۋشى ورگانداردىڭ بولىمشەلەرى جۇمىلدىرىلدى. جانۋ اۋدانى - 1 گ ا قۇرادى. وتتى ءسوندىرۋدىڭ كۇردەلىلىگى جانۋ اۋماعىنىڭ اۋقىمدىعىمەن جانە جانعىش ماتەريالداردىڭ كوپ بولۋىمەن بايلانىستى. سونداي-اق بيىكتىگى 3 مەتردەن اساتىن قوقىستا تۇتانعان وتتى ءسوندىرۋ قاتتى جەلدىڭ سالدارىنان قيىنداي ءتۇستى»، - دەپ ءمالىم ەتتى قاراعاندى وبلىسى ت ج د باسپا ءسوز قىزمەتىنەن.

ءورت سوندىرۋشىلەر ءالى دە وتپەن كۇرەسىپ جاتىر. وقيعا ورنىندا ت ج د- دان 23 ادام جانە 5 تەحنيكا جۇمىس ىستەۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى