وڭتۇستىكتەن سولتۇستىككە: قونىس اۋدارعان وتباسىلارعا قانشا اقشا جۇمسالدى

بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ماماندارى رەداكتسيانىڭ ساۋالىنا بەرگەن جاۋابىندا ايتتى، دەپ حابارلايدى قازاقپارات ءتىلشىسى.

«ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 - 2021 -جىلدارعا ارنالعان «ەڭبەك» مەملەكەتتىك باعدارلاماسى 2017 -جىلدان بەرى جۇزەگە اسىرىلۋدا. باعدارلاما اياسىندا 2017 -جىلدان باستاپ قۇرامىندا 26,6 مىڭ ادامى بار 7,3 مىڭ وتباسى جۇمىس كۇشى تاپشى وڭىرلەرگە قونىس اۋداردى»، - دەپ جازادى ۆەدومستۆو وكىلدەرى.

وسىنشا ادامنىڭ جاڭا مەكەنگە جەرسىنىپ كەتۋى ءۇشىن مەملەكەت قازىناسىنان 2017 -جىلدان بەرى 8,8 ميلليارد تەڭگە جۇمسالعان. ونىڭ ىشىندە كوشۋگە سۋبسيديا تولەۋ ءۇشىن 3 ميلليارد تەڭگە بولىنگەن. رەسمي جاۋاپتا قونىس اۋدارۋشىلارعا جاڭا تۇرعىلىقتى جەرىندە باستاپقى قولداۋ كورسەتۋ ءۇشىن «ەڭبەك» باعدارلاماسى اياسىندا مىناداي سۋبسيديالار تولەنەنتىنى ايتىلعان.

- كوشۋگە - ءاربىر وتباسى مۇشەسىنە ءبىر رەت 35 ا ە ك (102,1 مىڭ تەڭگە) مولشەرىندە؛

- وتباسىعا 12 اي بويى اي سايىن تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەرگە اقى تولەۋ بويىنشا شىعىستاردى وتەۋگە 15 تەن 30 ا ە ك- كە (43,7 مىڭ تەڭگەدەن 87,5 مىڭ تەڭگەگە دەيىن) دەيىن بەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى