ارحەولوگتار ادامنىڭ بەس مىڭ جىل بۇرىنعى ساۋساق ءىزىن تاپتى
ناقتىراق ايتساق، وسىدان بەس مىڭ جىل بۇرىن ءومىر سۇرگەن ادامنىڭ ساۋساق ءىزى ارحەولوگيادا ءبىرىنشى رەت تابىلىپ تۇر.
بۇل جايلى BCC حابارلادى.
قازبا جۇمىستارى وركنەي ارالىنىڭ برودگار مۇيىسىندە جۇرگىزىلگەن. تابىلعان ارحەولوگيالىق ولجا - كادىمگى ساز بالشىقتان جاسالعان ىدىس. الايدا سىنعان ىدىستىڭ سىرتىندا ادام ساۋساعىنىڭ ءىزى قالىپ قويعان ەكەن.
باسىندا عالىمدار بۇعان سەنبەگەن كورىنەدى. ىدىستى جان-جاعىنان، ءتۇرلى قىرىنان سۋرەتكە ءتۇسىرىپ، ارنايى باعدارلاماعا جۇكتەگەن. ول باعدارلاما نىساننىڭ جالپى ۇلگىسىن مودەلدەپ، ەكرانعا شىعارىپ بەرەدى. ۇلگىنى جان-جاعىنان مۇقيات قاراپ قورىتىندىعا كەلگەن عالىمدار مۇنى ادامنىڭ ساۋساق ءىزى دەپ تانىعان.
ەندىگى ماقسات - ساۋساق ءىزىن ودان ءارى زەرتتەپ، ادامنىڭ جىنىسى مەن جاسىن انىقتاۋ.
massaget.kz
