ەلدەن ماجبۇرلەپ شىعارىلادى: رەسەيدە زاڭسىز جۇرگەن ق ر ازاماتتارىنا ۇندەۋ جاسالدى
بيىلعى جىلدىڭ 15 - ماۋسىمىنا دەيىن رەسەيدە زاڭسىز جۇرگەن قازاقستان ازاماتتارى اتالمىش ەل اۋماعىندا بولۋىن زاڭداستىرۋى قاجەت. كەرى جاعدايدا ر ف- دان كەتۋگە مىندەتتى. مۇنداي تالاپتى رەسەي فەدەراتسياسى ىشكى ىستەر مينيسترلىگى قويىپ وتىر. ق ر س ءى م اقپاراتىنا سايكەس، رەسەيدە زاڭسىز جۇرگەن ازاماتتار ساناتىنا كەلەسىلەر جاتادى:
- مۇلدەم تىركەۋگە تۇرماعان؛
- ۋاقىتشا تىركەۋىنىڭ، ۋاقىتشا بولۋ رۇقساتىنىڭ جانە تۇرعىلىقتى تۇرۋعا رۇقساتىنىڭ ۋاقىتى ءوتىپ كەتكەندەر.
«ونىمەن ءبىر مەزگىلدە قازاقستاندىقتار زاڭدى نەگىزدەر بولعان جاعدايدا (جۇمىس، وقۋ جانە ت. ب. ) رەسەيدەن شىقپاي، ەلدە ۋاقىتشا بولۋ مەرزىمدەرىن ۇزارتۋ ءۇشىن ءى ءى م ورگاندارىنا جۇگىنۋگە قۇقىلى. بۇل جاعدايدا ازاماتتارعا قاتىستى جاۋاپكەرشىلىككە تارتۋ شارالارى قولدانىلمايدى»، - دەدى مينيسترلىكتەن.
ال رەسەيدە بولۋ مەرزىمىن زاڭدى تۇردە ۇزارتقىسى كەلمەگەندەر جانە ەلدەن ءوز ەركىمەن كەتكىسى كەلمەگەندەر ەلدەن ماجبۇرلەپ شىعارىلاتىن بولادى. بۇدان بولەك، ر ف اۋماعىنا قايتا كىرۋگە شەكتەۋ قويىلۋى مۇمكىن.
