قازاقستاندىق دارىگەرلەر تۇركيادا وتكەن الەم چەمپيوناتىندا جەڭىسكە جەتتى

بايراقتى باسەكەدە قازاقستان قۇراماسى جەڭىسكە جەتتى، دەپ حابارلايدى قازاقپارات ءتىلشىسى. تۇركيادا دارىگەرلەر اراسىندا فۋتزالدان ەكىنشى الەم چەمپيوناتى ۇيىمداستىرىلدى. وعان الەمنىڭ بىرنەشە ەلىنەن 200-گە جۋىق اق حالاتتى قاتىستى.

«قازاقستان قۇراما كومانداسىندا اقتوبە وبلىستىق پەريناتالدىق ورتالىقتىڭ نەوناتولوگى اسحات جۇمايەۆ، اقتوبە مەديتسينا ورتالىعىنىڭ نەيروحيرۋرگى رۋسلان قاجعاليەۆ جانە كارديورەانيماتولوگ ارمان امزەيەۆ بار. سالاۋاتتى ءومىر سالتىن ناسيحاتتاپ، دارىگەرلەر اراسىندا شاعىن فۋتبولدى دامىتۋ ماقساتىندا ۇيىمداستىرىلعان الەم بىرىنشىلىگى كەزىندە قازاقستان قۇراماسى جەڭىسكە جەتتى»، - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.

ايتا كەتەيىك، جارىسقا بارلىعى 8 كوماندا قاتىستى. ءبىرىنشى ورىندى قازاقستان، ەكىنشى ورىندى وزبەكستان، ءۇشىنشى ورىندى ۋكراينانىڭ دارىگەرلەر قۇراماسى ەنشىلەدى.

«تۇركيادا وتكەن جارىسقا قاتىسۋ ءۇشىن 2 اي بويى دايىندىق جۇرگىزدىك. ءوزىمىزدىڭ جاتتىقتىرۋشىمىز دا بولدى. ءبىر ەرەكشەلىگى، قازاقستان قۇراما كومانداسى دەپ ايتقانىمىزبەن، اقتوبە مەن جامبىل وبلىسىنان 9 ادام جينالدى. ونىڭ جەتەۋى اقتوبەلىك. جارىس وتە قىزىقتى ءوتتى. وتكەن جىلى پولشانىڭ كراكوۆ قالاسىندا ۇيىمداستىرىلسا، بيىل تۇركيانىڭ انكارا قالاسى تاڭدالدى»، - دەدى كوماندا كاپيتانى رۋسلان قاجعالييەۆ.

اۆتور: التىناي ساعىندىقوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى