سەمەي پوليگونى ماڭىنداعى رادياتسيا دەڭگەيى حالىق ءۇشىن قاۋىپ توندىرمەيدى - ەنەرگەتيكا مينيسترلىگى

دەپ حابارلايدى قازاقپارات ەنەرگەتيكا مينيسترلىگىنىڭ باسپا ءسوز قىزمەتىنە سىلتەمە جاساپ.

ق ر ۇلتتىق يادرولىق ورتالىعى 2008 -جىلى يادرولىق سىناقتاردىڭ پوليگون اۋماعىنا جانە وعان جاقىن جەرلەرگە اسەرىن زەرتتەۋ جۇمىستارىن جۇرگىزە باستادى. ماماندار سۋدىڭ، اۋانىڭ، وسىمدىكتەر مەن جانۋارلار الەمىنىڭ جاعدايىن زەرتتەيدى. زەرتتەۋدىڭ كەيبىر ادىستەرىن ق ر ۇلتتىق يادرولىق ورتالىعى ازىرلەگەن.

بۇگىنگى تاڭدا پوليگون اۋماعىنىڭ % 90- عا جۋىعى تەكسەرىلدى. قورشاعان ورتا جاعدايىنىڭ مونيتورينگى قورشاعان ورتا مەن حالىقتىڭ قاۋىپسىزدىگىنە اسەر ەتەتىن رادياتسيالىق جاعدايدىڭ تەرىس وزگەرىستەرىن ۋاقىتىندا انىقتاۋعا مۇمكىندىك بەرەدى. پوليگون اۋماعىنداعى جانە ودان تىس جەرلەردەگى اۋا جانە سۋ ورتاسىن زەرتتەۋ ءۇشىن ارنايى زەرتحانالاردا ودان ءارى تالداۋعا سىناما الۋ جۇرگىزىلەتىن مونيتورينگ پۋنكتتەرى قۇرىلدى.

قازىرگى ۋاقىتتا 4 اۋا ورتاسىن باقىلاۋ پۋنكتى جانە 8 سۋ ورتاسىن باقىلاۋ پۋنكتى بار. بارلىعى 22 مونيتورينگ پۋنكتىن قۇرۋ جوسپارلانۋدا. جۇرگىزىلگەن مونيتورينگ ناتيجەلەرى اۋاداعى راديواكتيۆتى ەلەمەنتتەردىڭ ەڭ كوپ مولشەرى تىكەلەي يادرولىق سىناقتار جۇرگىزىلەتىن جەردەن تابىلعانىن كورسەتتى. بۇل رەتتە پوليگوننىڭ لاستانعان ۋچاسكەلەرىنەن تىس «ۇزاق ءومىر سۇرەتىن» راديواكتيۆتى ەلەمەنتتەر (امەريي، سەزيي نەمەسە سترونتسيي) تابىلعان جوق. ناتيجەسىندە، مونيتورينگ جالپى پوليگوندا جانە ودان تىس جەرلەردە اۋا جانە سۋ ورتاسىنىڭ اعىمداعى رادياتسيالىق جاي- كۇيى تۇراقتى جانە حالىق ءۇشىن قاۋىپ توندىرمەيتىنىن كورسەتتى. يادرولىق سىناقتار جۇرگىزىلگەن سىناق الاڭدارىنىڭ راديواكتيۆتى لاستانعان ۋچاسكەلەرى بۇعان جاتپايدى.

ايتا كەتكەن ءجون، 2021 -جىلى سەمەي سىناق پوليگونىنىڭ جابىلۋىنا 30 جىل تولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى