سادىر جاپاروۆ قىرعىزستاننىڭ بۇكىل اۋماعىندا كازينو اشۋدى تاپسىردى

بۇل تۋرالى قازاقپارات «كابار» اگەنتتىگىنە سىلتەمە جاساپ حابارلايدى.

«زاڭ جوباسىنا سايكەس، كازينولاردى تەك ىستىقكول جانە باتكەن وبلىستارىندا اشۋ ۇسىنىلىپ وتىر. ءبىراق مەن قازىر اپپاراتقا دەپۋتتاردىڭ زاڭ جوباسىنا بۇكىل ەلدە، ياعني بىشكەك پەن بارلىق وبلىس ورتالىقتارىندا كازينو اشۋ ۇسىنىسىن ەنگىزۋدى تاپسىردىم»، - دەدى پرەزيدەنت.

ول قىرعىزستاندا كازينو 2015 -جىلعا دەيىن جۇمىس ىستەگەنىن، ول كەزدە ءاربىر ازاماتتىڭ وعان بارۋعا قۇقىعى بولعانىن، جاستاردىڭ ويىنعا سالىنىپ، كۇندىز-ءتۇنى اقشاسىنان ايىرىلعانىن ەسكە سالدى.

«وسىنى سىلتاۋ قىلعان جەكەلەگەن دەپۋتاتتار 2015 -جىلى كازينولاردى جاباتىنىن ايتىپ قورقىتىپ، ولاردىڭ يەلەرىنەن بىرنەشە ميلليون كولەمىندە اقشا بوپسالاعان. ءبىراق ولار بۇدان باس تارتىپ، قازىناعا اقشا اكەلىپ، 1,5 ميلليون سوم ليتسەنزيا ساتىپ العانىن، ءاربىر ۇستەل مەن اۆتومات ءۇشىن سالىق تولەپ جۇرگەنىن ايتتى. سوندا دەپۋتاتتار كازينولاردى جاۋىپ تاستادى. مەن ونىڭ اشىلۋ يدەياسىن نەگە قولداپ وتىرمىن؟ زاڭعا قىرعىزستاندىقتاردىڭ كازينوعا بارۋىنا تىيىم سالاتىن نورما ەنگىزۋدى ۇسىنامىن. كازينو تەك شەتەلدىك تۋريستەر ءۇشىن عانا جۇمىس ىستەيدى. قازىرگى كەزدە ەكونوميكانىڭ قۇلدىراۋى بايقالىپ وتىر، ءبىز ەل بيۋدجەتىن تولىقتىرۋدىڭ كەز كەلگەن جولدارىن ىزدەۋىمىز كەرەك. ونسىز جاردەماقى، جالاقى، مەملەكەتتىك قارىزدى تولەي المايمىز. سوندىقتان ءبىز كازينو اشۋىمىز ءتيىس»، - دەپ ءتۇسىندىرىپ ءوتتى جاپاروۆ.

اۆتور: زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى