باس باكپەر قازاقستاندىق بوكسشىلاردىڭ قارقىنى مەن داۋلى شەشىمدەر جايلى ايتتى
Vesti.kz تىلشىسىنە بەرگەن سۇحباتىندا ول وزبەكستان كومانداسىنىڭ «قورقىنىشى» تۋرالى دا ءسوز ەتتى.
- جىگىتتەر جاس، جالىنداپ تۇر. مىسالى، سانجار تاشكەنباي. ونىڭ ۇمتىلىسى سۇمدىق بولدى، ازەر-ازەر توقتاتىپ جۇردىك، - دەيدى باپكەر.
- ول شوۋ كورسەتتى عوي. قارسىلاستارىنا جاساعان قىسىمى ءوز ناتيجەسىن بەرىپ تۇردى.
- ول م م ا مەن اسكەري سامبودان چەمپيون. شيرەك فينالدا قارسىلاسىن جامباسقا لاقتىردى. تورەشى ۋكراينالىق لازاريەۆ بولعانى جاقسى بولدى، ايتپەگەندە، ەسكەرتۋ بەرىپ، ۇتىلىپ قالۋى دا مۇمكىن ەدى. سوسىن ءبىز وعان مۇندايدى قايتالاما دەپ ەسكەرتتىك.
- سۋپەراۋىر سالماق. باستاپقىدا وزبەك بوكسشى باسىم بولدى، ال ودان كەيىن امانات سابىرعالي ارتىقشىلىعىن كورسەتتى. قانداي ويدا بولدىڭىز؟
- ءبىزدىڭ جىگىت جەڭدى... ءۇشىنشى راۋندتا وزبەك بوكسشى نوكداۋنعا ءتۇسىپ قالعان. وزبەكتەر ءبىزدىڭ جىگىتكە قارسى قاتتى دايىندالدى، ول ازيا چەمپيونى عوي. ەكى جىل بۇرىن ءبارىن ساباعان... وزبەكتەردى دە، ءبارىن. ولار وسى جىگىتتەن قانا قورقاتىن. بۇل ءبىزدىڭ بوكسشىنىڭ ءبىرىنشى ايقاسى ەدى، ال قارسىلاسى ەكىنشىسىنە شىققان. تورەشىلەر بۇيرەگى باسقا جاققا بۇردى.
- ەسەپ بويىنشا. نوكداۋن بولدى عوي... ءبىزدىڭ بوكسشىدا باسىمدىق بولۋ كەرەك ەدى.
- بىزگە بەرۋ كەرەك بولعان. ءبىز نارازىلىق تا جازا المادىق، ويتكەنى ەسەپ 1:4 بولدى. ەگەر 2:3 بولعاندا نارازىلىعىمىزدى بىلدىرەر ەدىك.
- ءبىراق ەراسىل جاقپەكوۆتىڭ ايقاسىندا نارازىلىق ايتىلدى عوي.
- ءيا، ءبىراق ونىڭ رەتى سولاي. باعالاۋشى تورەشىلەر دە بولادى. بىرەۋى رينگتەگى تورەشى جۇمىسىنا باعا بەرەدى، ال ەكىنشىسى - قاپتالداعى تورەشىلەردى. كەيىنگىسى دە كۋبالىق بوكسشى جەڭدى دەپتى: ءبىرىنشى جانە ەكىنشى راۋندتى بەرگەن، ءۇشىنشىسىن عانا ءبىزدىڭ بوكسشىنىڭ پايداسىنا جازعان. سوندىقتان سولاي قالدى.
- ۆيتسە- چەمپيوندار تۋرالى. جىگىتتەر قارسىلاستاردىڭ ىڭعايسىز بولعانىن ايتادى. اسىرەسە ءۇندىس.
- جاپونيالىق كوشباسشى بولدى. ونى ەڭ مىقتى بوكسشى دەپ تە مويىندادى-اۋ دەيمىن. ول - ازيا چەمپيونى. ەكى جىل بۇرىن. بىزدە التى چەمپيون، ال ولاردا بىرەۋ عانا بولدى. جاقسى بوكسشى. بويى الاسا، الايدا، قولى ۇزىن. جىلدام. ىڭعايسىز. ال ءۇندىس... ءبىزدىڭ بوكسشىدا اۋىر ايقاستار بولدى - كۋبالىق پەن رەسەيلىكتى جەڭدى. شارشاڭقىراپ قالدى...
- ەموتسيا ما؟
- ول ءبىرىنشى راۋندتا جەڭدى. ەگەر ەكىنشىسىن دە ۇتقاندا... ءبىز ول چەمپيون بولادى دەپ ويلادىق. ال ءۇندى بوكسشىسى كەرەمەت بىردەڭە كورسەتتى دەي المايمىن. پسيحولگيالىق تۇرعىدا عانا.
- ءبىز پاتريوتيزم ارقاسىندا شىقتىق. ءار تاڭدا جينالىس. مەن ولاردان وتان دەگەن نە دەپ سۇرايمىن. ولار - ول انا، اكە، اجە، اتا، كورشىلەر، سىنىپتاستار جانە بۇكىل قازاقستان دەپ جاۋاپ بەرەدى. جەڭىسكە جەتۋ ءۇشىن ولار بارىن سالۋ قاجەت.
سانجاردىڭ وتباسىندا سەگىز بالا، ول ۇلكەنى. ەلنۇردىڭ وتباسىندا دا سەگىز. ولار وزىنىكىن وڭاي بەرە قويمايدى. شىنىققان جىگىتتەر.
