مارستا العاش رەت وتتەگى ءوندىرىلدى

بۇل تۋرالى NASA حابارلادى.

MOXIE قۇرىلعىسى وتتەگى اتومدارىن كومىرقىشقىل گازى مولەكۋلالارىنان ءبولىپ، ولاردى اتموسفەراعا شىعارادى.

بۇل قۇرىلعى 5,4 گرام وتتەگى وندىرگەن. زەرتتەۋشىلەردىڭ پىكىرىنشە، و و ارقىلى ادام ون مينۋت تىنىس الا الادى. قۇرىلعى ساعاتىنا ون گرامعا دەيىن وتتەگى وندىرەدى.

مارستاعى اتموسفەرا قىسىمى جەرگە قاراعاندا 170 ەسە از، ناتيجەسىندە قىزىل عالامشارداعى اۋانىڭ قۇرامىندا پارنيكتىك گازدىڭ ۇلەسى 95 پايىز.

Perseverance روۆەرى 19- اقپاندا مارسقا قونعان بولاتىن. ونى امەريكا قۇراما شتاتتارىنىڭ اەروناۆتيكا جانە عارىش ۇلتتىق باسقارماسى (NASA) تىكەلەي ەفيردە كورسەتتى.

قونۋ شامامەن جەتى مينۋتقا سوزىلعان. قونعان كەزدەگى زوندتاعى بارلىق وپەراتسيالار اۆتوماتتى تۇردە جۇزەگە اسىرىلعان. قۇرىلعى جىلدامدىعىن تومەندەتۋ ءۇشىن پاراشيۋتىن اشقان، سودان كەيىن جوعارى تەمپەراتۋرا اسەرىنەن قورعاۋعا ارنالعان زوند كورپۋسى اجىراتىلعان. قونۋدىڭ سوڭعى كەزەڭىندە قۇرىلعىنىڭ تەجەگىشى جاقسى جۇمىس ىستەپ، سودان كەيىن زوند بولات ارقان ارقىلى پلانەتانىڭ بەتىنە تۇسىرىلگەن.

قۇرىلعىنى قوندىرۋ ەزەرو كراتەرىندە جوسپارلانعان، ول جەردەن عالىمدار ەرتەرەكتە وزەن ورنىن انىقتاعان. عالىمداردىڭ پايىمداۋىنشا، تىرشىلىك ىزدەرى كراتەردە ساقتالىپ قالۋى مۇمكىن. Perseverance ولاردى ىزدەيدى.

قونعاننان كەيىن، زوند مارستىڭ العاشقى ءتۇرلى-ءتۇستى سۋرەتىن جىبەردى. Atlas V زىمىران تاسىعىشى Perseverance زوندى مەن Ingenuity تىكۇشاعىن 2020-جىل 30- شىلدەدە الىپ ۇشقان.

ايتا كەتەيىك، 19- ءساۋىر كۇنى Ingenuity تىكۇشاعى مارستا العاش رەت ۇشتى. تىكۇشاق پلانەتا دەڭگەيىنەن ءۇش مەتر بيىكتىككە كوتەرىلىپ، اۋادا جارتى مينۋت تۇردى، سودان كەيىن قايتا ورالعان.

Ingenuity - 1,2 مەترلىك ديامەترى، ەكى قاناتتى ۇشاتىن قۇرىلعى. اۋە رەيسى 11- ساۋىرگە جوسپارلانعان، ءبىراق باعدارلامالىق جاساقتامانىڭ بۇزىلۋىنا بايلانىستى كەيىنگە قالدىرىلعان.

Ingenuity جاقىن كۇندەرى بىرنەشە رەيس جاساپ، پلانەتانى سۋرەتكە تۇسىرەدى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى