انا مەن بالا ءولىمى بولعان جاركەنتتەگى اۋرۋحانانىڭ باس دارىگەرى جۇمىستان كەتتى
بۇل جونىندە «قازاقپارات» تىلشىسىنە الماتى وبلىستىق دەنساۋلىق ساقتاۋ باسقارماسىنىڭ باسشىسى ءومىرزاق نيازبەكوۆ مالىمدەدى.
«پانفيلوۆ اۋداندىق اۋرۋحاناسىنىڭ باس دارىگەرى تولەۋ سارپەكوۆ ءوز ەركىمەن دەنساۋلىعىنا بايلانىستى جۇمىستان كەتتى»، - دەدى ءو. نيازبەكوۆ.
باسقارما باسشىسىنىڭ ايتۋىنشا، سارپەكوۆتىڭ جۇمىستان كەتۋىنە جاقىندا بولعان انا مەن بالا ءولىمىنىڭ قاتىسى جوق. «انا مەن بالا ولىمىنە بايلانىستى ساراپتاما قورىتىندىسى ءالى شىققان جوق»، - دەدى ءو. نيازبەكوۆ.
ەستەرىڭىزگە سالا كەتەيىك، وسىدان ەكى اپتا بۇرىن، ياعني ءساۋىر ايىندا جاركەنت پەرزەنتحاناسىندا انا مەن بالا كوز جۇمدى. ءۇشىنشى بالاسىن بوسانۋى ءتيىس بولعان جانار باراتوۆادان قان توقتاماي، جاس كەلىنشەك كوز جۇمدى. ال وسىدان 10 اي بۇرىن عانا ءدال وسى پەرزەنتحاناعا بوسانۋعا بارعان بالنۇر ەسىمدى كەلىنشەك سابيىمەن بىرگە قايتىس بولدى.
اۆتور: سامال قابىشيەۆا
