ەلوردادا جاياۋ جۇرگىنشى جولىندا ۇلكەن ويىق پايدا بولدى
وسىعان وراي «استانا سۋ ارناسى» مكك باسپا ءسوز قىزمەتى ءمان- جايدى ءتۇسىندىردى، دەپ حابارلايدى قازاقپارات ءتىلشىسى.
كوممۋنالدىق كاسىپورىن مالىمەتىنشە، كەشە ساعات 17:08 دە تاۋەلسىزدىك پەن قاجىمۇقان مۇڭايتپاسوۆ كوشەلەرىنىڭ قيىلىسىندا، جولدىڭ جاياۋ جۇرگىنشى بولىگىندە ورنالاسقان ديامەترى 800 م م- لىك كارىز كوللەكتورىندا شۇڭقىر پايدا بولعان.
«شۇڭقىر كولىك قوزعالىسىنا كەدەرگى كەلتىرمەيدى جانە تاياۋ ماڭداعى ۇيلەردى سۋمەن جابدىقتاۋ جۇيەسىنەن اجىراتۋ جوسپارلانىپ وتىرعان جوق. قازىرگى ۋاقىتتا «استانا سۋ ارناسى» كاسىپورىنىنىڭ اپاتتىق بريگاداسى كوللەكتوردى جانە جولدىڭ جاياۋ جۇرگىنشى بولىگىنىڭ جابىندىسىن قالپىنا كەلتىرۋ جۇمىستارىن جۇرگىزىپ جاتىر. ورىن العان ۋاقىتشا قولايسىزدىقتار ءۇشىن كەشىرىم سۇرايمىز»، - دەدى «استانا سۋ ارناسىنان» .
