فرانسيادا پوليتسيا قىزمەتكەرىن جۇمىس ورنىندا ءولتىرىپ كەتتى
جۇما كۇنى رامبۋە قالاسىندا كۇندىز ەر ادام كوميسساريات قىزمەتكەرىنىڭ مويىن تۇسىنا ەكى رەت پىشاق ۇرعان. العان جاراقاتىنان پوليتسيا قىزمەتكەرى، 49 جاستاعى ايەل مەرت بولدى. ونىڭ ارتىندا 13 جانە 18 جاستاعى ەكى بالاسى قالدى. كۇدىكتى قولعا ءتۇسىپ، جاراقاتتاندى، كەيىنىرەك ول دا ءجانتاسىلىم ەتتى. كۋاگەرلەردىڭ سوزىنشە، كۇدىكتى پوليتسيا قىزمەتكەرىنە شابۋىلدار الدىندا «اللاحۋ اكبار» دەپ ايعاي سالعان. وقيعا ورنىنا ىشكى ىستەر ءمينيسترى جەرلاد دارمانەن مەن فرانسيا پرەمەر- ءمينيسترى جان كاستەكس كەلدى.
فرانسيا پرەمەر- ءمينيسترى جان كاستەكس: «مەن مۇندا ىشكى ىستەر مينيسترىمەن بىرگە وسى وقيعادان كەيىن پوليتسيا مەن رامبۋە كوميسسارياتىنىڭ قىزمەتكەرلەرىنە قولداۋ كورسەتۋ ءۇشىن كەلدىم. مەن فرانسۋزدارعا ءبىزدىڭ تەرروريزممەن كۇرەسكە دەگەن تاباندىلىعىمىز بۇرىنعى قالپىندا قالاتىنىن ايتقىم كەلەدى»، - دەدى.
شابۋىلدى ءمالىم بولعانىنداي، 36 جاستاعى تۋنيس ازاماتى جاساعان. ول جۋىردا عانا فرانسيانىڭ رامبۋە قالاسىنا كوشىپ كەلىپ، كۋرەر بولىپ جۇمىس ىستەپ جۇرگەن. ونىڭ فرانسيادا ۋاقىتشا تۇرۋ رۇقساتى بولعان جانە ونىڭ مەرزىمى بيىلعى جىلدىڭ جەلتوقسانىندا ءبىتۋى قاجەت ەدى. دەپارتامەنتتەر مەن وڭىرلەردىڭ اكىمشىلىكتەرىنە كوميسسارياتتار مەن جاندارمەريا كازارمالارىنىڭ كۇزەتىن كۇشەيتۋ تاپسىرىلدى.
