رەسپۋبليكالىق «قازاقستان بارىسى» تۋرنيرىنە قاتىساتىن قاراعاندىلىق بالۋاندار ىرىكتەلدى

بۇل، ق ر تۇڭعىش پرەزيدەنتى نۇرسۇلتان نازاربايەۆتىڭ جۇلدەسى ءۇشىن رەسپۋبليكالىق جارىستارعا ىرىكتەۋ دوداسى بولدى.

جارىسقا وبلىستىڭ بارلىق قالالارى مەن اۋداندارىنان 130 بالۋان قاتىستى.

ءتۋرنيردىڭ باس تورەشىسى نۇرمۇحامەد جايلاۋبايدىڭ ايتۋىنشا، پاندەمياعا بايلانىستى جاتتىعۋلاردىڭ ازدىعىنا قاراماستان، بالۋاندار جاقسى دايىندالىپ، لايىقتى ناتيجەلەر كورسەتتى.

«جارىس 11 سالماق دارەجەسىندە ءوتتى. فينالدا وتە قيىن بولدى، سەبەبى ەكى مىقتى سپورتشى - اقجىگىت ورالوۆ پەن بەكزات احمەتبەكوۆ كۇرەستى. ولار شىلدە ايىندا نۇر-سۇلتاندا وتەتىن «قازاقستان بارىسى» رەسپۋبليكالىق تۋرنيرىندە قاراعاندى وبلىسىنىڭ نامىسىن قورعاۋعا بارادى»، - دەدى نۇرمۇحامەد جايلاۋباي.

وبلىستىق ءتۋرنيردىڭ جەڭىمپازى قاراعاندىلىق اقجىگىت ورالوۆ بولدى. ەكىنشى ورىندى نۇرا اۋدانىنان بەكزات احمەتبەكوۆ، ءۇشىنشى ورىندى بۇقار جىراۋ اۋدانىنان ەرقانات مولداعۇلوۆ يەلەندى.

«قازاق كۇرەسىمەن 12 جىل بويى اينالىسىپ كەلەمىن. دزيۋدو جانە سامبومەن دە شۇعىلدانامىن. بۇگىنگى جارىس وڭاي بولعان جوق، ءبىراق ءبارى جاقسى ءوتتى. بارلىق فيناليستەر مىقتى. ەندى رەسپۋبليكالىق تۋرنيرگە دايىندالامىز»، - دەيدى اقجىگىت ورالوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى