ەلوردادا ۆاكسينا پۋنكتى اشىلعان ساۋدا ورتالىقتارى ساعات نەشەگە دەيىن جۇمىس ىستەيدى

ەلورداداعى ۆاكسيناتسيالايتىن 100 كابينەتتە جۇمىس ىستەپ تۇر. ونىڭ ىشىندە ەگۋ پۋنكتتەرى «Mega Silk Way» جانە «حان شاتىر» س و و- لارىندا اشىلدى. ەندى وزگە ساۋدا- ويىن- ساۋىق ورتالىقتارى مەن ورىنداردا اشىلۋ قارالىپ وتىر. قازىرگى ۋاقىتتا ادام كوپ جينالاتىن ورىنداردا قوسىمشا ەگۋ كابينەتتەرىن اشۋ ءۇشىن دايىندىق جۇرگىزىلىپ جاتىر.

س و و- دا سانيتاريالىق- ەپيدەميولوگيالىق تالاپتاردىڭ ءبارى مەديتسينالىق ۇيىمدارىنداي ساقتالادى. حالىقتىڭ كوپ اعىنىن ەسكەرە وتىرىپ، ءاربىر كومپونەنت ءۇشىن قوسىمشا جەكە ورىندار كوزدەلەدى. بۇگىنگى كۇنى جوعارىدا اتالعان ساۋدا- ويىن- ساۋىق ورتالىقتارىنان باسقا «مەچتا» ساۋدا جەلىسىنەن، «سولتۇستىك» س ءۇ، «نۇربەرەكە 555» ج ش س جاپپاي ۆاكسيناتسيا جۇرگىزۋ ءۇشىن ەگۋ پۋنكتتەرىن اشۋ تالاپتارىن ءتۇسىندىرۋ جونىندە ءوتىنىش جولدادى.

حالىقتى ۆاكسيناتسيالاۋمەن بارىنشا قامتۋعا قول جەتكىزۋ ماقساتىندا ق ر باس مەملەكەتتىك سانيتارلىق دارىگەرىنىڭ 12 ساۋىردەگى قاۋلىسىنىڭ تالاپتارىنا سايكەس ەگۋ پۋنكتتەرىنىڭ جۇمىسى ءۇشىن ءتيىستى جاعداي جاسالعان وبەكتىلەردىڭ ساعات 22.00-گە دەيىن جۇمىس ىستەۋىنە رۇقسات بەرىلدى.

ەسكە سالا كەتسەك، ەلوردادا «Keruen» مەن «ءابۋ- دابي پلازادا» COVID-19-عا قارسى ۆاكسيناتسيا پۋنكتتەرى اشىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى