رەسەيدەگى حالىقارالىق تۋرنيردە قازاقستاندىق ءتورت بوكسشى جارىستى جالعاستىرادى

تۋرنيردە 20-ساۋىردە دانيال ءسابيت (49 كەلى) ءوزىنىڭ جەكپە- جەگىندە ءساتتى ويىن كورسەتتى. ول قىرعىزستاندىق قارسىلاسىن قاپى قالدىرىپ كەتتى. اتالعان سالماقتا سىنعا تۇسكەن تاعى ءبىر قازاقستاندىق تەمىرتاس ءجۇسىپوۆ وزبەكستاندىق بوكسشىعا ەسە جىبەردى. ال 69 كەلىدە اسلانبەك شىمبەرگەنوۆ رۋمىنيالىق قارسىلاسىنىڭ وسال تۇسىن تاپسا، 81 كەلىدە بەكزات نۇرداۋلەتوۆ رەسەيلىكتى جەڭىپ كەتتى. سونداي- اق، 91 كەلىدە ايبەك ورالباي ءۇندىستاندىق بوكسشىدان مىقتى ەكەنىن دالەلدەدى.

ايتا كەتەيىك، حالىقارالىق تۋرنيردە الەمنىڭ 15 ەلىنەن 100 گە تارتا بوكسشى كەلدى. قازاقستان اتىنان 9 سالماقتا 10 بىلعارى قولعاپ شەبەرى اتتاندى. ولاردىڭ اراسىنان 19-ساۋىردە زاكير سافيۋللين 63 كەلىدە قارسىلاسىنا ەسە جىبەرىپ، جارىستان شىعىپ قالدى. ال ورازبەك اسىلقۇلوۆ (57 كەلى) پەن ءابىلحان امانقۇل (75 كەلى) العاشقى جەكپە- جەگىندە جەڭىسكە جەتىپ، جارىستى جالعاستىرۋعا مۇمكىندىك الدى.

ەسكە سالا كەتەيىك، جاستار اراسىنداعى الەم چەمپيوناتىندا قازاقستاندىق ءتورت بوكسشى فينالعا جولداما الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى