نۇر-سۇلتاندا قانشا بالا كوروناۆيرۋستان ەمدەلىپ جاتىر

بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ايتىپ بەردى، دەپ حابارلايدى قازاقپارات ءتىلشىسى.

«قازىر قالالىق ستاتسيونارلاردا 39 بالا جاتىر. بۇل - 0 جاستان 18 جاسقا دەيىنگى كونتينگەنت. ادەتتە، ولار اتا- انالارىمەن بىرگە اۋرۋ جۇقتىرادى جانە بىرگە ەمدەلەدى. بالالار اراسىندا كوروناۆيرۋس اۋرۋىنىڭ اۋىر جاعدايى تىركەلگەن جوق، ءولىم-ءجىتىم دە بولعان جوق»، - دەپ جاۋاپ بەردى سپيكەر ەلوردا اكىمدىگىندە وتكەن بريفينگىدە ءتىلشى سۇراعىنا.

ايتا كەتەيىك، ءساۋىر ايىندا جالپى سىرقاتتانۋ قۇرىلىمىنداعى بالالاردىڭ ۇلەسى %0,8 عا ازايدى، بۇل اسىرەسە 7-10 جاس ارالىعىنداعى توپقا قاتىستى قابىلدانعان شەكتەۋ شارالارىنىڭ تيىمدىلىگىن كورسەتەدى، وندا تومەندەۋ %5 دان %4 عا دەيىن بولدى. بالالار اراسىندا ەڭ جوعارى اۋرۋشاڭدىق 3-10 جاس توبىندا %54,5 دى قۇرايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى