ەلورداداعى ك ۆ ي جاعدايلارى بىلتىرعى جىلمەن سالىستىرعاندا ءۇش ەسە كوپ

بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ايتتى، دەپ حابارلايدى قازاقپارات ءتىلشىسى.

«ەلوردا كوروناۆيرۋس ينفەكسياسىنىڭ ەپيدەميولوگيالىق جاعدايى بويىنشا ءالى دە «قىزىل ايماقتا». اۋرۋشاڭدىق بەلسەندى تۇردە ءوسىپ كەلەدى. ورتا ەسەپپەن كۇنىنە كوروناۆيرۋستىڭ 500 گە جۋىق جاڭا جاعدايى تىركەلىپ وتىر. بۇل وتكەن جىلدىڭ شىلدە ايىنا قاراعاندا ءۇش ەسە كوپ، شىلدەدە مۇنداي جاعداي شامامەن 187 بولعان»، - دەدى سپيكەر ەلوردا اكىمدىگىندە وتكەن بريفينگتە.

ونىڭ ايتۋىنشا، ك ۆ ي- مەن اۋىراتىن ناۋقاستاردى ەمدەۋ ءۇشىن 15 اۋرۋحانا تارتىلعان، ولاردىڭ توسەك سىيىمدىلىعى 2264 توسەك- ورىنعا جەتەدى.

«بۇگىندە 1212 ناۋقاس اۋرۋحانالاردا ەم قابىلداپ جاتىر، ونىڭ ىشىندە كوروناۆيرۋس 1112 ادامدا راستالعان، 100 ناۋقاس وكپە قابىنۋىنان (پنەۆمونيا) ەمدەلىپ جاتىر. 4 مىڭعا جۋىق ادام ۇيدە ەم قابىلداۋدا»، - دەدى ت. مۇراتوۆ.

ال جانساقتاۋ بولىمىندە 111 ادام جاتىر، ونىڭ 26 سى وكپەنى جاساندى جەلدەتۋ اپاراتىنا قوسىلعان.

«ك ۆ ي- مەن كۇرەسكە قالا بويىنشا 4 مىڭنان استام مەديتسينا قىزمەتكەرى تارتىلعان. الايدا، الدىن الۋ شارالارىن ەلەمەي جۇرەتىن بولساق، بارلىق جۇمسالىپ، تارتىلىپ وتىرعان رەسۋرستار ماعىناسىز بولاتىنىن ءتۇسىنۋ قاجەت»، - دەپ ەسكەرتتى دارىگەر.

بۇعان دەيىن نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا ۇندەۋ جاساپ، حالىقتى كارانتين شارالارىن ساقتاۋعا جانە ىندەتكە قارسى ۆاكسينا الۋعا شاقىرعان ەدى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى