الەكسەي سوي: ەكى قالادا كوروناۆيرۋسپەن رەانيماتسيادا جاتقاندار كوپ بولىپ تۇر
بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«كۇندەلىكتى مونيتورينگكە سايكەس، وسى جىلدىڭ 20- ساۋىرىندەگى جاعدايعا وراي وڭىرلەر شەگىندەگى بوس ەمەس توسەك-ورىندار سانى رەسپۋبليكا بويىنشا ينفەكتسيالىق توسەك- ورىنداردىڭ 41، ال رەانيماتسيالىق توسەك-ورىنداردىڭ 27 پايىزىن قۇرايدى»، - دەدى مينيستر.
ونىڭ اتاپ وتۋىنشە، بوس ەمەس ينفەكتسيالىق توسەك-ورىنداردىڭ ەڭ جوعارى كورسەتكىشى باتىس قازاقستان وبلىسىندا 63، الماتى وبلىسىندا 61 جانە الماتى قالاسىندا 56 پايىزدى قۇراپ وتىر.
«ال بوس ەمەس رەانيماتسيالىق توسەك-ورىنداردىڭ ەڭ جوعارى كورسەتكىشى الماتى قالاسىندا 53، ال نۇر-سۇلتان قالاسىندا 56 پايىزدى قۇرايدى»، - دەدى الەكسەي سوي.
