قۇلپىنايدىڭ باسقا جيدەكتەردەن ەرەكشەلىگى
ءتىپتى، كەيبىرىمىز ونىڭ پايداسىنان بەيحابار بولساق تا، ءتىل ۇيىرەر ءدامى ءۇشىن قورەك ەتەمىز. ال ءسىز قۇلپىنايدىڭ تىسىڭىزدى اعارتا الاتىنىن بىلەسىز بە؟ جوق پا؟! ەندەشە، ءتىس دارىگەرىنىڭ ەسىگىن قاقپاس بۇرىن، قۇلپىنايدىڭ كومەگىنە جۇگىنىپ كورىڭىز.
اپپاق قارداي كۇلكى اينالاڭىزداعىلاردى ءسۇيسىندىرىپ، ەرەكشە كوڭىل-كۇي سىيلايدى. وسىلايشا ءسىز ءبىر وقپەن ەكى قوياندى اتىپ الاسىز. قۇلپىنايدىڭ دامىنەن ءلاززات الىپ، ادەمى كۇلكىنىڭ قوجايىنى اتاناسىز.
سونىمەن، بىزگە نە كەرەك؟ قولىڭىزعا بىرنەشە پىسكەن قۇلپىناي مەن جارتى ءشاي قاسىق اس سوداسىن الىڭىز. قۇلپىنايدى شۇعىل ىدىسقا ەزىپ، اس سوداسىمەن ارالاستىرىڭىز. سودان كەيىن ءتىس شەتكاسىن الىپ (جۇمساق قىلشىقتى بولعانى دۇرىس)، ء تىس پاستاسى ىسپەتتى ەزبەنى جاعىڭىز دا، ءتىسىڭىزدى اينالدىرا ىسقىلاڭىز.
نەمەسە پىسكەن قۇلپىنايدى ەشتەڭەمەن قوسپاي-اق، شىرىنى شىققانشا ءتىستى سيپالاپ ءوتىڭىز.
قۇلپىنايعا ەمالعا اسەر ەتۋ ءۇشىن بەس مينۋت ۋاقىت بەرىڭىز. مەجەلى ۋاقىت وتىسىمەن، ءتىستى قۇرامىندا فتور بار ءتىس پاستاسىمەن جاقسىلاپ جۋىڭىز دا، جىلى سۋمەن شايىپ تاستاڭىز.
بۇل «ءتاتتى ءراسىمنىڭ» بار قۇپياسى - جيدەكتىڭ قۇرامىندا ءتىس ەمالىنىڭ بەتكى قاباتىن ەرىتە الاتىن قىشقىلدىڭ كوپ بولۋىنان دەپ ءبىلىڭىز.
سونىمەن قاتار، قۇلپىنايمەن كوفە، شاراپ، شوكولاد قالدىقتارىن دا تازارتۋعا بولادى.
ەسكەرتۋ. بۇل ءادىستى ءجيى قولدانا بەرۋگە بولمايدى. جوعارىدا ايتىلعان قىشقىل جانە اس سوداسى تىسىڭىزگە زيانىن تيگىزۋى مۇمكىن. بۇل دەگەن كۇلكىمەن قوشتاسۋ دەگەن ءسوز.
ءبارىنىڭ دە ءوز مولشەرىمەن بولعانى دۇرىس. سوندا عانا اپپاق قارداي كۇلكىمەن جاقىندارىڭىزدى باۋراپ، قۋانىش سىيلاپ جۇرە الاسىز.
massaget.kz
