كوروناۆيرۋس: نۇر- سۇلتاندا جاپپاي ۆاكسيناتسيا قارقىن الىپ كەلەدى

اي باستالعالى شامامەن 47 مىڭ ادام ەكپە الدى. سونداي- اق، ۆاكسيناتسياعا تۇرعىلىقتى جەرى بار، جۇمىس ىستەيتىن جانە ق ر اۋماعىندا تۇراتىن شەتەلدىكتەر دە جىبەرىلدى، دەپ حابارلايدى قازاقپارات.

ەل تۇرعىندارىن ۆاكسيناتسيامەن كەڭىنەن قامتۋ ءۇشىن نۇر- سۇلتاندا ەگۋ پۋنكتەرىنىڭ سانى 36-دان 100-گە دەيىن ارتتى. باستاپقى مەديتسينالىق- سانيتارلىق كومەك ۇيىمدارىندا ورنالاسقان ولاردىڭ جۇمىس ۋاقىتى 8:00-دەن 24:00-گە دەيىن، ساۋدا، ويىن- ساۋىق ورتالىقتارىنداعى ەگۋ پۋنكتەرى ءۇشىن 10:00-دەن 22:00-گە دەيىن ۇزاردى. سونداي- اق، قالانىڭ ەكى ءىرى

«Mega Silk Way» جانە «حان شاتىر» س و س و- لاردا ەگۋ ورىندارى ۇيىمداستىرىلدى. مىسالى، ءبىر اپتادا «Mega Silk Way» - دا 1700-دەن استام ادام ۆاكسينالاندى. ەكىنشى ساۋدا، ويىن- ساۋىق ورتالىعى - «حان شاتىردا» ازاماتتاردى جاپپاي ۆاكسينالاۋ بۇگىن، 19 - ساۋىردە باستالدى. جاقىن ارادا مۇنداي پۋنكتەر «كەرۋەن» سوسو مەن «ابۋ- دابي پلازا» كەشەنىندە دە اشىلادى. قاجەت بولعان جاعدايدا ۆاكسيناتسيا پۋنكتەرىن قالانىڭ قوناقۇيلەرىندە دە اشۋ جوسپاردا بار.

حالىقتىڭ COVID-19-عا قارسى ۆاكسينا الۋ بەلسەندىلىگىنىڭ جوعارى بولۋىنا بايلانىستى قوعامدىق دەنساۋلىق ساقتاۋ باسقارماسى كوشپەلى بريگادالار ۇيىمداستىرىپ، ەڭبەك ۇجىمدارىن جاپپاي ەگۋگە كىرىستى. ءتۇرلى كاسىپورىنداردا COVID-19 ۆاكسيناسىن العىسى كەلەتىندەردىڭ سانى 1000 ادامعا جەتەدى. قالا بويىنشا بۇگىنگە دەيىن بارلىعى 60 مىڭعا جۋىق ادام ۆاكسينالاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى