قازاقستاندا قانداي جول ەرەجەلەرى ءجيى بۇزىلادى

«جول قاۋىپسىزدىگىنىڭ نەگىزگى فاكتورلارىنىڭ ءبىرى - ادەتتەگىدەي جۇرگىزۋشىلەردىڭ جول ءجۇرۋ ءتارتىبى بولىپ قالا بەرەدى. جىل سايىن ءبىز 5,652 ميلليون جول قوزعالىسى ەرەجەلەرىن بۇزۋدى تىركەيمىز»، - دەدى سەرىك ءتۇسىپوۆ مينيسترلىكتە وتكەن ونلاين بريفينگىدە.

سپيكەردىڭ ايتۋىنشا، جىل باسىنان بەرى 1,3 ميلليون جول ءجۇرۋ ەرەجەسىنىڭ بۇزىلعانى انىقتالدى. ونىڭ ىشىندە: 437 مىڭ جىلدامدىقتى اسىرۋ فاكتىسى، 289 مىڭ بەلگىلەر مەن تاڭبالار تالاپتارىن بۇزۋ، 68,6 مىڭ جارىق اسپاپتارىن پايدالانۋدى بۇزۋ، 5 مىڭ جولاۋشىلار مەن جۇكتەردى تاسىمالداۋ قاعيدالارىن بۇزۋ جانە 19,5 مىڭ ايالداۋ جانە اۆتوتۇراق قاعيدالارىن بۇزۋ. ماس كۇيىندە كولىك ايداعان 5,2 مىڭ جۇرگىزۋشى ۇستالدى. جول قوزعالىسى ەرەجەلەرىن بۇزعانى ءۇشىن 6 مىڭ جۇرگىزۋشى كولىك جۇرگىزۋ قۇقىعىنان ايىرىلدى، 5,3 مىڭ ادام اكىمشىلىك قاماۋعا الىندى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى