قانداي ەكپەنى كوروناۆيرۋس ۆاكسيناسىمەن بىرگە الۋعا بولمايدى
بۇل ساۋالعا ونلاين بريفينگ بارىسىندا س. اسفەندياروۆ اتىنداعى قاز ۇ م ۋ جالپى يممۋنولوگيا كافەدراسىنىڭ مەڭگەرۋشىسى ەلميرا بيتانوۆا جاۋاپ بەردى، دەپ حابارلايدى قازاقپارات ءتىلشىسى. «ءتىرى ۆاكسينانى ب س ج ەكپەسىمەن بىرگە الۋعا بولمايدى. بۇل بارلىق ۆاكسينا ءۇشىن جالپى ەرەجە. كوروناۆيرۋس ينفەكسياسىنا قارسى ۆاكسينا ەندى عانا قولدانىلا باستادى. سوندىقتان ونى كەشەندى تۇردە قولدانۋ ۇسىنىلمايدى، بۇل ۋاقىتشا شارا. ءبىراز ۋاقىتتان كەيىن ول باسقا ۆاكسينالارمەن بىرىكتىرىلە باستايدى. ازىرگە مۇنداي ۇسىنىس جوق. قازىر كەنە ەنسەفاليتىنە قارسى ماۋسىم بار، ءبىراق ءتىرى ۆاكسينانى بىرىكتىرۋ مۇلدەم مۇمكىن ەمەس. كوروناۆيرۋسقا قارسى ۆاكسينانى بولەك قولدانۋدى ۇسىنامىن»، - دەدى ول.
سونىمەن قاتار، ەلميرا بيتانوۆا ۆاكسيناتسيادان كەيىن يممۋنيتەتتىڭ قانشا ۋاقىتقا دەيىن ساقتالاتىنىن اتاپ ءوتتى.
«بۇل ينفەكسيا 2019 -جىلى باستالدى، يممۋنيتەتتى ساقتاۋدىڭ بولجامى ەكى جىل دەپ وتىرمىز. بۇل بولجام. بىزگە ءالى ەشكىم كەپىلدىك بەرە المايدى. ءبىز قازىر ۆيرۋستى توقتاتقىمىز كەلەدى. ۆاكسينالار ءالى دە جەتىلدىرىلەدى»، - دەپ قوستى يممۋنولوگ.
