ءىشىپ الىپ، بويجەتكەندى بوقتاعان: ش ق و مادەنيەت باسقارماسىنىڭ باسشىسى جۇمىستان قۋىلدى
ناۋرىز ايىنىڭ سوڭىندا الەۋمەتتىك جەلىلەردە ش ق و مادەنيەت باسقارماسىنىڭ باسشىسى ميراس جۇماگۇلوۆتىڭ وسكەمەندەگى كاراوكە- بارلاردىڭ بىرىندە ىشىمدىك ءىشىپ الىپ، بويجەتكەنگە ءتىل تيگىزگەنى تۋرالى اقپارات تاراپ كەتتى. وبلىستىق پوليتسيا دەپارتامەنتى اتالعان فاكتىنى راستاعان بولاتىن.
«30 - ناۋرىزدا ساعات 05:00 شاماسىندا قوعامدىق ورىندا ماس كۇيدە وزگە ادامنىڭ قادىر- قاسيەتى مەن ار- نامىسىنا نۇقسان كەلتىرگەنى ءۇشىن ول ق ر ا ق ب ت ك- ءنىڭ 440-بابى 1-بولىگىنە سايكەس جاۋاپقا تارتىلدى»، - دەلىنگەن مالىمەتتە.
سونداي- اق اتالعان فاكتىگە وراي مەملەكەتتىك قىزمەت ىستەرى اگەنتتىگىنىڭ شىعىس قازاقستان وبلىسى بويىنشا دەپارتامەنتى تەكسەرۋ جۇرگىزدى. ادەپ جونىندەگى كەڭەستە مادەنيەت باسقارماسىنىڭ باسشىسىنا قاتىستى تارتىپتىك ءىس قارالىپ، كەڭەس مۇشەلەرى ونى جۇمىستان شىعارۋ تۋرالى وبلىس اكىمىنە ۇسىنىس جاسادى. 13 -ءساۋىر كۇنى ايماق باسشىسى دانيال احمەتوۆ ميراس جۇماگۇلوۆتى قىزمەتىنەن بوساتتى.
اۆتور: تالعاتجان مۇحامەتبەك ۇلى
