دەپۋتاتتار بەنزيننىڭ قىمباتتاۋىنا قاتىستى تەكسەرۋ جۇرگىزۋدى سۇرادى
«ءبىزدىڭ دەپۋتاتتىق ساۋال سوڭعى ۋاقىتتا جانار- جاعارماي نارىعىندا بەنزين باعاسىنىڭ وسىمىنە بايلانىستى بولىپ وتىر. جىل باسىنان بەرى اي-92 ماركالى بەنزينىنىڭ قۇنى الماتىدا ليترىنە 150 تەڭگەدەن 168 تەڭگەگە دەيىن جوعارىلادى، ال نۇر-سۇلتاندا - 170 تەڭگەگە دەيىن، اقتاۋدا - 172 تەڭگەگە دەيىن، اتىراۋدا 200 تەڭگەگە دەيىن جەتتى. ەگەر بۇعان دەيىن قۇزىرلى ۆەدومستۆو مۇنداي باعا قۇبىلمالىعىن يمپورتقا تاۋەلدىلىك، مۇناي وڭدەۋ زاۋىتىنداعى جوسپارلى جوندەۋمەن تۇسىندىرسە، ەندى وسى جولى سەبەپتى اتىراۋ مۇناي وڭدەۋ زاۋىتىنداعى تەحنولوگيالىق قوندىرعىلاردىڭ اپاتتىق توقتاۋىمەن بايلانىستىرىپ وتىر. وندىرىستىك كەمشىلىكتەرگە «وبەكتيۆتى سەبەپتەردى» تابۋعا بولاتىنى بەلگىلى. دەگەنمەن، بۇدان اۆتوكولىك جۇرگىزۋشىلەرى زارداپ شەكپەۋى ءتيىس دەپ سانايمىز»، - دەدى ا. راۋ ۇكىمەت باسشىسىنىڭ ورىنباسارى رومان سكلياردىڭ اتىنا جولداعان ساۋالىندا.
وسى ورايدا ول بەنزين باعاسىنىڭ ءوسۋى تاريفتەردىڭ، تاۋارلار مەن قىزمەتتەردىڭ سوڭعى قۇنىنا ىقپال ەتەتىنىن ەسكە سالدى. مۇنىڭ سالدارىنان قاراپايىم تۇتىنۋشىلار زارداپ شەگەدى.
«بەنزين باعاسىنىڭ وسىمىنە قاتىستى جاڭالىقتار تاراعاننان كەيىن، ەنەرگەتيكا مينيسترلىگى تاراتقان اقپاراتتا جانار- جاعارماي باعاسىنا ۆەدومستۆو جاۋاپتى ەمەستىگى اتالىپ وتكەن. حابارلامادا قازىرگى كەزدە مۇناي ونىمدەرىنىڭ ىشكى نارىعىنداعى باعا رەتتەلمەيتىندىگى جانە نارىقپەن سۇرانىس ءارى ۇسىنىس نەگىزىندە ايقىندالاتىنى جاريالانعان. تۇتىنۋشى ءۇشىن سوڭعى باعا مۇناي ءونىمىنىڭ كوتەرمە قۇنىنىڭ، جانار- جاعارماي قۇيۋ ستانتسياسىنا دەيىنگى بارلىق كولىك شىعىنى، مۇناي بازاسىندا ساقتاۋ، بولشەك ساتۋشىنىڭ شىعىنى، سونداي- اق اكسيزدەر مەن سالىق نەگىزىندە قالىپتاساتىندىعى جازىلعان. قۇزىرلى ۆەدومستۆونىڭ وسىنداي وعاش ۇستانىمى ولاردا بەنزين باعاسىنىڭ وسىمىنە ارەكەت ەتۋدە تۇسىنىكتى ستراتەگيا مەن ءتيىستى ءىس- شارالاردىڭ جوقتىعىن بايقاتىپ وتىر»، - دەدى ا. راۋ.
بۇل تۇرعىدا دەپۋتات ۇكىمەتكە ءتيىستى ۇسىنىستاردى جاريالادى:
1) جانار- جاعارماي نارىعىندا جاعدايدى تۇراقتاندىرۋ بويىنشا قاجەتتى شارالاردى قابىلداۋ:
2) بەنزين باعاسىن رەتتەۋدىڭ ءتيىمدى تەتىكتەرىن دايارلاپ، ەنگىزۋ؛
3) باسەكەلەستىكتى قورعاۋ جانە دامىتۋ اگەنتتىگىمەن بىرلەسە جانار- جاعارماي نارىعىندا باعا بويىنشا كەلىسۋ مەن كارتەلدىك كەلىسىم ىقتيمالدىعىنا تەكسەرۋ جۇرگىزۋ.
اۆتور: رۋسلان عابباسوۆ
