سۋەس كانالىنداعى وقيعا: سوت كونتەينەر تاسىمالدايتىن كەمەنى تاركىلەدى

دەپ حابارلايدى قازاقپارات Shorouk گازەتىنە سىلتەمە جاساپ.

وتەماقى سوماسىنا Ever Given- ءدى قايراڭنان شىعارۋ بويىنشا اكىمشىلىك شىعىندارى، كەمەنىڭ جوندەۋ جۇمىستارىنا، بۇعاتتاۋ سالدارىنان كانالعا جۇمسالعان قاراجات كىرىپ وتىر. ءوز تالابىندا سۋەس كانالىنىڭ اكىمشىلىگى ارنايى سوتتىڭ شەشىمى بويىنشا كەمەنى تاركىلەۋگە رۇقسات ەتەتىن تەڭىز ساۋداسى تۋرالى ءتيىستى مىسىرلىق زاڭعا سۇيەنىپ وتىر.

23 ناۋرىز كۇنى 400 مەترلىك Ever Given كونتەينەر تاسىمالداۋشى ق ح ر- دان روتتەردامعا جول تارتقان بەتتە 151- شاقىرىمدا قايىرلاپ قالعان. سالدارىنان كانالدى التى كۇن بۇعاتتاپ، ونداعى قوزعالىستى توقتاتۋعا تۋرا كەلدى. 29 -ناۋرىزدا بىرنەشە ارەكەتتەن كەيىن كەمە قايراڭنان شىعارىلدى، وپەراتسياعا 15 بۋكسير قاتىستى، ناۆيگاتسيا قايتا جانداندى. وقيعا سالدارىنان ءوز كەزەگىن كۇتىپ قالعان 422 كەمەنىڭ سوڭعىلارى كانالدان 3 -ءساۋىر كۇنى ءوتتى.

«سوت شەشىمىنە سايكەس كەمە تاركىلەنىپ، سوتتىڭ باقىلاۋىندا بولادى، وپەراتور كومپانيا سۋەس كانالىنىڭ اكىمشىلىگىنە 900 ميلليون دوللار وتەماقى تولەمەيىنشە، ونى پايدالانا المايدى»، - دەپ حابارلايدى باسىلىم.

اۆتور: بيبىحان سەرىكوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى