ەلوردادا پوليتسەيلەر «قاۋىپسىز ورام» شاراسىن وتكىزۋدە

شارا بارىسىندا ۋچاسكەلىك ينسپەكتورلار 5 مىڭعا جۋىق تۇرعىن ءۇي الابىن ونىڭ ىشىندە: كوپقاباتتى ۇيلەردەگى 3 مىڭنان استام پاتەردى، 414 جەر ءۇيدى ارالاپ شىقتى. ۋچاسكەلىك پوليتسيا ينسپەكتورلارىنىڭ ۆيزيت كارتالارى تۇرعىندارعا تاراتىلدى. ۇيلەردى ارالاۋ بارىسىندا 100-دەن استام كاسىپكەرلىك سۋبەكتىسىنە بوتەن ادامنىڭ مۇلكىن ۇرلاۋدىڭ الدىن الۋ بويىنشا 800 جادناما تاراتىلدى. بەلگىلى تۇرعىلىقتى جەرى جوق 22 ادام ۇستالدى.

ونىڭ 5 ەۋى قابىلداۋشى- ءبولۋشى بولىمگە جەتكىزىلدى. 20 جاس ءوسپىرىم ۇستالدى. ونىڭ 14 ى زاڭدى وكىلدەرىنىڭ ەرىپ ءجۇرۋىنسىز تۇرعىن ۇيدەن تىس جەردە جانە ويىن- ساۋىق ورىندارىندا بولعانى ءۇشىن، 6 ى قوعامدىق ءتارتىپتى بۇزعانى ءۇشىن ۇستالعان. 100 ازاماتتىق قارۋ يەلەرى تەكسەرىلدى. ۇيلەردى ارالاۋ ناتيجەسىندە 800 دەن استام اكىمشىلىك قۇقىق بۇزۋشىلىق انىقتالدى. جەدەل الدىن الۋ شاراسى بارىسىندا 100 گە جۋىق ازامات ىشىمدىك ىشكەنى، ماس كۇيىندە قوعامدىق ورىندارعا شىققانى ءۇشىن ۇستالدى، 87 ادام قوعامدىق ورىنداردى لاستاعان. سونىمەن قاتار، ەكى كۇن ىشىندە پوليتسيا قورعاۋ نۇسقاماسىن بۇزعانى ءۇشىن 5 جانجالقويدى جانە وتباسىلىق- تۇرمىستىق قاتىناستار سالاسىنداعى زاڭسىز ارەكەتتەرى ءۇشىن 8 ادامدى جاۋاپكەرشىلىككە تارتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى