الماتىدا ەلەكتروندى جول بەلگىسى ورناتىلدى

قالالىق پوليتسيا دەپارتامەنتىندە ونىڭ ءمان- جايى تۋرالى بايانداپ بەردى، دەپ حابارلايدى قازاقپارات.

بەلگى تۋرالى ۆيدەو Instagram پاراقشادا پايدا بولدى.

«دۋمانداعى باعدارشامدا ەلەكتروندى جول بەلگىسى ورناتىلدى. كەپتەلىس جاعدايىندا بۇل بەلگى تەك تۋرا كورسەتىپ وتىرسا، كەپتەلىس بولماعاندا تۋرا جانە سول جاققا كورسەتەدى»، - دەيدى كادردىڭ ار جاعىنداعى داۋىس.

پوليتسيا دەپارتامەنتىنىڭ باسپا ءسوز قىزمەتىنىڭ ناقتىلاۋىنشا، الماتى قالاسى پ د اكىمشىلىك پوليتسيا باسقارماسى باعدارلامالار اكىمشىسىمەن (الماتى قالاسىنىڭ ءموبيلدى باسقارماسى) بىرلەسىپ 9 -ءساۋىر كۇنى تالعار تاس جولى مەن حان ءتاڭىرى كوشەلەرىنىڭ قيىلىسىندا (دۋمان شاعىناۋدانىنان شىعار جول) اۋىسپالى اقپارات بەرەتىن ەلەكتروندى جول بەلگىسىن (4.1.1 «تۋرا قوزعالىس» جانە 4.1.5 «تۋرا نەمەسە سول جاققا قوزعالىس» ) ىسكە قوستى.

«اتالعان قوزعالىس ەۋروستاندارتقا سايكەس، SMD LED- تەحنولوگيالاردى قولدانۋ ارقىلى ورىندالدى جانە جول بەلگىلەرىنىڭ ءتۇرلى- ءتۇستى سۋرەتىن وتە انىق ەتىپ كورسەتەدى، بۇل ءوز كەزەگىندە جۇرگىزۋشىلەردىڭ بەلگىنى قابىلداۋ كەزىندە قاتە جىبەرمەۋىنە سەپتىگىن تيگىزەدى. جول بەلگىسىنىڭ قاجەتتى سۋرەتى تاۋلىك ۋاقىتى بويىنشا (باعدارلاما بويىنشا) ارنايى ەلەكتروندىق بلوكپەن نەمەسە كولىكتەر سانىنا بايلانىستى شىعارىلادى. اۋىسپالى اقپاراتى بار جول بەلگىسىنىڭ جۇمىس ۋاقىتى - تاڭعى ساعات 6:00 دان 11 گە دەيىن، 4.1.1 «تۋرا قوزعالىس» جانە 4.1.5 «تۋرا نەمەسە سول جاققا قوزعالىس» بەلگىلەرىنىڭ جۇمىس ۋاقىتى - ساعات 11:00 دەن ساعات 6:00 عا دەيىن»، دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى