مەركى- شۋ- بۋرىلبايتال جولى بيىل اشىلادى
ايماق باسشىسى بەردىبەك ساپاربايەۆتىڭ شۋ اۋدانىنا كەزەكتى جۇمىس ساپارى بارىسىندا مەركى مەن
«قازاۆتوجول» ر م ك باسشىسى ايجان تۋعانوۆانىڭ ايتۋىنشا، قازىرگى تاڭدا كوپىرلەر 70 پايىزعا دايىن. قىركۇيەك ايىنا قاراي ولاردىڭ قۇرىلىسى تولىعىمەن اياقتالۋى ءتيىس. ماۋسىمعا دەيىن ۇزدىكسىز جۇمىس ىستەۋ ءۇشىن قاجەتتى قۇرىلىس ماتەريالدارى جەتكىلىكتى. قۇرىلىسشىلار جولدىڭ بيىل اشىلاتىنىن سەندىردى. مۇندا جۇمىسشىلارعا بولگىش ارالىقتاردى ورناتۋ، جاقىن ماڭداعى اۋىلدار مەن مال ايداۋعا ارنالعان وتكەلدەردى سالۋ سەكىلدى جۇمىستاردى قاتار اتقارۋعا تۋرا كەلۋدە.
«بارلىق كوپىرلەر جارىقتاندىرىلۋى كەرەك، جۇمىستى جانداندىرىپ، قۇرىلىسقا جەرگىلىكتى تۇرعىنداردى كوبىرەك تارتۋ ماڭىزدى. الەۋمەتتىك جاۋاپكەرشىلىك تۋرالى دا ۇمىتپاي، الەۋمەتتىك ماسەلەلەردى شەشۋدە جەرگىلىكتى حالىققا بارىنشا قول ۇشىن سوزىڭىزدار، - دەدى بەردىبەك ساپاربايەۆ.
سونداي- اق، اۋدان اۋماعىندا ورنالاسقان «قازسۋشار» رمك بالانسىنداعى تاسوتكەل شاعىن بوگەتى كۇردەلى جوندەۋدى تالاپ ەتەدى. 1940 -جىلدارى سالىنعان نىساننىڭ توزىعى جەتكەن، كوپىر بويىمەن جۇرەتىن ادامدار مەن كولىكتەر ءۇشىن قاۋىپتى. سونىمەن قاتار، ەكى ماگيسترالدىق كانال وسى جەردەن باستاۋ الادى دەسەك، ولار - وڭ جاعالاۋ جانە سول جاعالاۋ كانالدارى. پۋيد-2 جوباسىنا كەلەتىن بولساق، «NTF Insaat Ticoret Limited Sirketi « تۇرىك كومپانياسى يرريگاتسيالىق- درەناج جەلىسىن قايتا قۇرۋ شارالارىن اياقسىز قالدىرعاندىقتان، بۇگىندە ءتيىستى جۇمىستاردى جەرگىلىكتى «تارازسترويينۆەست» ج ش س قولعا العان. جۇمىس قىزۋ جۇرۋدە، وبلىس اكىمىنىڭ تاپسىرماسىنا سايكەس 1 مامىرعا دەيىن اندرەيەۆكا، پودحوز جانە گوسفوند كانالدارىن تازارتۋ، قاجەت جەرلەرگە ناۋالار ورناتۋ جۇمىستارى اياقتالۋى ءتيىس. ناتيجەسىندە دۋلات جانە بالۋان شولاق اۋىلدىق وكرۋگتەرىنىڭ تۇرعىندارى الداعى ۆەگەتاتسيالىق كەزەڭدە سۋارۋ سۋىمەن قامتاماسىز ەتىلەتىن بولادى.
