ۆاكسينالاۋ ورازانى بۇزبايدى - وزبەكستان مۇسىلماندارى باسقارماسى
ءتيىستى تۇسىنىكتەمە وزبەكستان مۇسىلماندارى باسقارماسىنىڭ سايتىندا جاريالاندى، دەپ حابارلايدى قازاقپارات.
«رامازان - مۇسىلماندار ءۇشىن قادىرلى اي، وندا كۇنى بويى ورازا ۇستاۋ تالاپ ەتىلەدى - كۇن باتقانشا تاماق، الكوگول، تەمەكى شەگۋدەن، كوڭىل كوتەرۋدەن اۋلاق بولۋ كەرەك. اي كۇنتىزبەسى بويىنشا ورازانىڭ باستالۋى بيىل 13 -ساۋىرگە كەلەدى. ءپاتۋالارعا سايكەس، كوروناۆيرۋسقا قارسى ۆاكسينانى ورازا كەزىندە دە الۋعا بولادى، ويتكەنى بۇل ورازانى بۇزبايدى»، - دەلىنگەن وزبەكستان مۇسىلماندارى باسقارماسىنىڭ مالىمدەمەسىندە.
ءدىني باسقارمانىڭ باسپا ءسوز قىزمەتى اتاپ وتكەندەي، كوروناۆيرۋسقا قارسى ەكپە - قورەكتىك زات بولىپ سانالمايدى جانە تەرى استى مەن بۇلشىقەتكە سالىنادى.
ەسكە سالا كەتەيىك، وزبەكستاندا كوروناۆيرۋسقا قارسى جاپپاي ۆاكتسينالاۋ 1 -ساۋىردە باستالدى. حالىقتى ۆاكتسينامەن قامتۋ بىرتىندەپ كەڭەيەدى: ساۋىردە - ءىرى قالالاردا، مامىردا - اۋدان ورتالىقتارى مەن شاعىن قالالاردا، ال ماۋسىمدا - اۋىلدىق جەرلەردە جالعاسادى. جالپى، وزبەكستاندا ءۇش ايدا 4 ميلليوننان استام ادامعا ەكپە ەگۋ جوسپارلانعان.
