كولىك پوليسەيلەرى كونگو ازاماتشاسىنا وتانىنا ورالۋعا كومەكتەستى
2016 -جىلعى 13 -تامىزدا بومبالە لولينگو رايسسا ەسىمدى كونگو دەموكراتيالىق رەسپۋبليكاسىنىڭ 24 جاستاعى ازاماتشاسى ج ش س- ءنىڭ ءبىرىنىڭ شاقىرتۋىمەن قازاقستان رەسپۋبليكاسىنا ەڭبەك ەتۋ ءۇشىن ۆيزامەن كەلگەن. ول COVID-19 پاندەميا سالدارىنان جۇمىسىنان ايىرىلعان. بۇعان قوسا پاسپورتى پەن ۆيزاسىنىڭ قولدانىلۋ مەرزىمى اياقتالىپ ءارى قاراجاتىنىڭ بولماۋىنا بايلانىستى ەلىنە ورالا الماعان.
جاعدايى قيىنداعان سوڭ شىمكەنت ستانتسياسىنداعى جەلىلىك پوليسيا ءبولىمىنىڭ كوشى- قون قىزمەتىنىڭ پوليسەيلەرىنە كومەك كورسەتۋ تۋرالى ءوتىنىش بىلدىرەدى. ەلىمىزدىڭ كولىك پوليسەيلەرى الماتى قالاسىندا ورنالاسقان كوشى- قون جونىندەگى حالىقارالىق ۇيىمنىڭ (ح ك ۇ) كومەگىمەن ونىڭ قۇجاتتارىن رەسىمدەۋگە، ءسويتىپ ونىڭ وتانىنا ورالۋى ءۇشىن اۋە بيلەتىن ساتىپ الۋعا كومەك كورسەتتى. ءوز كەزەگىندە رايسسا بارلىق قول ۇشىن سوزعان جاندارعا، اتاپ ايتقاندا، ءتارتىپ ساقشىلارىنا كورسەتكەن قولداۋلارى مەن كومەگى ءۇشىن زور العىسىن ءبىلدىردى.
