الماتىدا رامازان ايىندا ۋاعىز-ناسيحات جۇمىستارى قالاي وتەدى
بۇل تۋرالى الماتى قالاسىنىڭ وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگىدە قالانىڭ باس يمامى ەركىنبەك شوقاي ايتتى، دەپ حابارلايدى قازاقپارات ءتىلشىسى.
«قالامىزداعى تانىمال قاريلار ونلاين قۇران حاتىم وقيدى. الەۋمەتتىك جەلىدەگى ازان. ك ز پاراقشاسى ارقىلى كۇندەلىكتى ساعات 14.00-دە ونلاين قاتىسۋعا بولادى. رامازان ايىندا 87273290966، 7007197622 بايلانىس تەلەفوندارى ارقىلى الماتى ورتالىق مەشىتىنىڭ ءپاتۋا Call-ورتالىعى تۇرعىنداردىڭ سۇراقتارىنا جاۋاپ بەرىپ وتىرادى»، - دەدى يمام.
سونىمەن بىرگە، ەركىنبەك شوقاي قاسيەتتى ايدا قايىرىمدىلىق جاساپ، ساۋاپ الۋدى نيەت ەتكەن جاندار «بەرەكەلى رامازان توسىنسىيى»، «اۋىز اشار قورجىنى» اتتى اكسيا اياسىندا اۋىزاشار قوراپتارىن ەرىكتىلەر نەمەسە مەشىت قىزمەتكەرلەرى ارقىلى كومەككە مۇقتاج ازاماتتاردىڭ ۇيلەرىنە جەتكىزىلەتىنىن ايتتى. سونىمەن بىرگە، قاسيەتتى ايدا «رامازان كەرۋەنى» اتتى قايىرىمدىلىق ءىس- شاراسى ۇيىمداستىرىلادى.
«ناماز وقىپ ۇيرەنەيىك»، «قۇران وقىپ ۇيرەنەيىك»، «قوش كەلدىڭ، رامازان»، «30 كۇنگە 30 ۋاعىز»، «باس يمام مىنبەرى» ايدارىمەن قالا مەشىتتەرىنىڭ الەۋمەتتىك پاراقشالارىندا ونلاين دارىستەر مەن مەشىت جاماعاتى اراسىندا «راببىم، ءبىلىمىمدى ارتتىر» سىندى ينتەلەكتۋالدى ءبىلىم سايىستارى وتەدى»، - دەدى قالانىڭ باس يمامى.
سپيكەر شاريعات جانە ءپاتۋا ءبولىمى بيىلعى ءپىتىر ساداقا كولەمىن 420 تەڭگە ەتىپ بەكىتكەنىن اتاپ ءوتتى. بۇل ەلىمىزدەگى 2 كەلى ۇننىڭ ورتاشا باعاسىنا ساي. سونىمەن قاتار ءپىتىر ساداقاسىن مەيىزبەن بەرەم دەگەندەر ءۇشىن 3580 تەڭگە، قۇرمامەن ەسەپتەسە 7300 تەڭگە. ورازا ۇستاۋعا دەنساۋلىعى جارامايتىن جانە ۇلكەن جاستاعى قارت كىسىلەرگە ورازاسى ءۇشىن فيديا قۇنى 2500 تەڭگە دەپ بەكىتىلدى.
«ءپىتىر ساداقاسىن مەشىتتەرگە كەلىپ بەرۋمەن قاتار، كاسپي. ك ز قوسىمشاسى ارقىلى دا بەرۋگە بولادى. قالا مەشىتتەرىندە كاسپيي QR قويىلدى»، - دەپ اقپاراتتاندىردى يمام.
