وسكەمەندەگى دۇكەندە اينەك جۋۋعا ارنالعان ۋلى سۇيىقتىق ساتىلعان

قالالىق پوليتسيا باسقارماسى باسپا ءسوز قىزمەتىنىڭ مالىمەتىنە سۇيەنسەك، جۋىقتا پوليتسيانىڭ كەزەكشى بولىمىنە «قازاقستانداعى اۆتوحيميانى وندىرۋشىلەر مەن تۇتىنۋشىلار قاۋىمداستىعى» زاڭدى تۇلعالار بىرلەستىگىنەن ارىز كەلىپ ءتۇستى. وندا جازىلعانداي، وسكەمەندەگى دۇكەن ليتسەنزياسى جوق بولا تۇرا قۇرامىندا مەتانولى بار (ق ر ۇكىمەتىنىڭ 02.16.2015 -جىلعى №59-قاۋلىسىنا سايكەس، ۋلى زاتتار تىزىمىنە ەنگىزىلگەن) اينەك جۋۋعا ارنالعان سۇيىقتىقتى ساتىپ كەلگەن.

«بىرلەستىك وكىلدەرى سۇيىقتىقتى ساتىپ الىپ «ويلسەرتينتەرنەيشيل» ج ش س- عا زەرتتەۋ جاساتقان. سونىڭ ناتيجەسىنەن سۇيىقتىقتىڭ قۇرامىندا %5,09 مەتانول بار ەكەندىگى بەلگىلى بولدى. وسكەمەن قالاسىنىڭ مامانداندىرىلعان تەرگەۋ سوتى قالا كوشەلەردىڭ بىرىندە ورنالاسقان دۇكەن يەسىنە جانە ونداعى جۇمىسشىلارعا قاتىستى قۇپيا تەرگەۋ امالدارىن جۇرگىزۋگە رۇقسات بەردى»، - دەلىنگەن حابارلامادا.

دۇكەندى جانە قويمالاردى ءتىنتۋ بارىسىندا اينەك جۋۋعا ارنالعان سۇيىقتىقتىڭ 484 داناسى تابىلىپ، تاركىلەنگەن. قازىرگى ۋاقىتتا اتالعان فاكتى بويىنشا ق ر قىلمىستىق كودەكسىنىڭ 301-بابى 1-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە.

اۆتور: تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى