قازاقستاندىق تەننيسشى شۆەيتسارياداعى ءتۋرنيردىڭ چەمپيونى اتاندى

قازاقستان تەننيس فەدەراتسياسى ءمالىم ەتكەنىندەي، قازاقستاندىق-گرۋزيالىق جۇپ جۇلدە قورى 60 مىڭ ا ق ش دوللارىنا باعالانعان جارىستىڭ فينالىندا كانادالىق رەبەككا مارينو - جاپونيالىق يۋكي نايتومەن كەزدەستى.

ا. دانيلينا مەن ە. گورگودزە باستى باسەكەدە 7:5, 6:3 ەسەبىمەن جەڭىسكە جەتتى. دودا بارىسىندا ولار العاشقى اينالىمدا كورت يەلەرى دجەنني دەرست - سەباستيانا سكلليپوتيدىڭ 6:2، 6:2 ەسەبىمەن تىزە بۇكتىردى.

سوسىن شيرەك فينالدا ۋكراينالىق انگەلينا كالينينا - رەسەيلىك ۆالەريا ساۆينىحتان ايلاسىن اسىردى - 7:6، 6:4.

جارتىلاي فينالدا قازاقستاندىق پەن گرۋزيالىق سپورتشى چەحيالىقتار اناستاسيا دەتيۋك - يوحانا ماركوۆامەن كورتقا شىقتى.

بۇل جۇپ شيرەك فينالدا وسى جارىستىڭ 1-راكەتكالارى بەلورۋسسيالىق ليديا موروزوۆا - رۋمىنيالىق كريستينا- اندرەا ميتۋدى 7:6، 3:6, 10:8 ەسەبىمەن جەڭىپ كەتكەن ەدى.

دەگەنمەن ولار ا. دانيلينا مەن ە. گورگودزەگە قارسىلىق كورسەتە المادى - 2:6، 2:6.

ەسكە سالا كەتەيىك، بۇدان بۇرىن يۋ. پۋتينتسيەۆانىڭ چارلستون جارىسىنىڭ جارتىلاي فينالىنا شىعا الماعانىن، قازاقستاندىق جۇپتىڭ حورۆاتيادا جەڭىمپاز اتانعانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى