ءماجىلىس دەپۋتاتى مەديتسينالىق ساقتاندىرۋ قورىنا قاتىستى ماسەلە كوتەردى
دەپۋتاتتىڭ ايتۋىنشا، دەنساۋلىق ساقتاۋ مينيسترلىگىنىڭ دەرەكتەرىنە ساي، ەلدىڭ 19 ميلليونعا جۋىق تۇرعىنى بۇگىندە 15850000 ادامى نەمەسە % 84- ى ساقتاندىرىلعان. ءبىراق ولاردىڭ 11195887 نەمەسە % 59,2- ى مەملەكەت تولەيتىن جەڭىلدىك ساناتىنا كىرەتىن ازاماتتار (بالالار، مۇگەدەكتەر، كوپ بالالى وتباسىلار جانە ت. ب. ).
«ال، قالعان 7 ميلليون ەكونوميكالىق بەلسەندى حالىقتىڭ 3 ميلليون ياعني، جارتىسىنا جۋىعى ساقتاندىرىلماعان. دەمەك، بۇل ادامدار قورعا اۋدارىمدار جۇرگىزبەيتىن ءوزىن- ءوزى جۇمىسپەن قامتىعاندار، جۇمىسسىزدار»، - دەيدى گ. نۇرىموۆا.
سونداي- اق، دەپۋتات وسى سەبەپتەن تولىققاندى مەديتسينالىق كومەك الا الماي، بۇل كوبىنەسە اسقىنعان اۋرۋلارعا، ءولىم- جىتىمگە، ونىڭ ىشىندە ونكولوگيا، تۋبەركۋلەز جانە ت. ب. سياقتى سوزىلمالى جانە الەۋمەتتىك ءمانى بار اۋرۋلاردى كەش انىقتاۋعا الىپ كەلەتىنىن ايتتى. ەگەر وسى 3 ميلليون ساقتاندىرىلماعان ادامنىڭ بىرەۋى 2021 -جىلى مەديتسينالىق كومەك العىسى كەلسە، ول 2020 -جىلعا جارنا اۋدارۋى كەرەك، بۇل، ارينە، كوپشىلىك ءۇشىن قول جەتىمدى ەمەس.
ساقتاندىرىلماعان حالىقتىڭ كوپ بولىگى الماتى، قوستاناي، جامبىل، تۇركىستان وبلىستارى مەن شىمكەنت قالاسىندا تيەسىلى. وسى رەتتە، دەپۋتات كوبىنەسە ساقتاندىرىلماعان ناۋقاستارعا، ءتىپتى وقىس جاعدايلاردا دا، تولىققاندى مەديتسينالىق كومەك كورسەتۋدەن باس تارتاتىنىن جەتكىزدى.
مىسالى، الماتىدا ساقتاندىرىلۋشى مارتەبەسىنىڭ بولماۋىنا بايلانىستى اۋرۋحاناعا جاتقىزۋدان شۇعىل ەمدەلۋشلەردەن باس تارتقان. وسى رەتتە، ەمدەلۋشىلەردىڭ زاڭدى قۇقىقتارى بۇزىلعان، ءبىراق بۇل ءۇشىن ەشكىم جاۋاپ بەرگەن جوق! سونىمەن قاتار، كوبىنەسە مەديتسينالىق ۇيىمدار شيەلەنىستى جاعدايدى ازايتۋ ءۇشىن ءوز قاراجاتى ەسەبىنەن حالىققا مەديتسينالىق قىزمەت كورسەتۋگە ءماجبۇر بولادى، ءبىراق، كەيىننەن ولاردى ەشكىم وتەمەيدى. ءبىراق ءىس جۇزىندە مەديتسينالىق ۇيىمدار ءتىپتى ساقتاندىرىلۋشىلارعا قور بەلگىلەگەن ايلىق جوسپارلى بيۋدجەتتىڭ شەكتەلۋىنە بايلانىستى باس تارتۋعا ءماجبۇر.
مىسالى، اۋرۋحانا اي سايىنعى جوسپارعا سايكەس 100 ناۋقاستى ەمدەدى، ال 101- مۇقتاج ادامعا كومەك كورسەتۋدەن باس تارتىلادى، ويتكەنى ايلىق ليميت تاۋسىلدى.
تاعى ءبىر ماڭىزدى ماسەلە. مەملەكەت باسشىسى مەديتسينا قىزمەتكەرلەرىنىڭ جالاقىسىن كەزەڭ- كەزەڭمەن كوتەرۋ تۋرالى تاپسىرما بەردى. 2021 -جىلدان باستاپ دارىگەرلەردىڭ جالاقىسىن % 30 - عا جانە ورتا مەديتسينا قىزمەتكەرلەرىنىڭ جالاقىسىن % 20 - عا ارتتىرۋ كوزدەلىپ وتىر. دەگەنمەن، جىل باسىنان بەرى 74 مىڭنان استام دارىگەر مەن 180 مىڭ مەدبيكە جالاقىنى كوتەرۋ تەتىگىن رەتتەيتىن بەكىتىلگەن نورماتيۆتىك قۇجاتتاردىڭ بولماۋىنا بايلانىستى جوعارى جالاقى العان جوق. بۇل مەديتسينا قىزمەتكەرلەرى اراسىندا الەۋمەتتىك شيەلەنىستى تۋدىرىپ، مەديتسينالىق ۇيىمدارعا جالاقىنى كوتەرۋگە قوسىمشا قاراجات بولىنگەن جوق. وسىعان بايلانىستى، جوعارى جالاقى قانداي قاراجاتتان تولەنۋى كەرەك؟ - دەگەن سۇراق تۋىندايدى.
سونىمەن قاتار، گ. نۇرىموۆا جىل باسىندا قارجىلاندىرۋدىڭ جىل سايىنعى كىدىرىسى دە داستۇرگە اينالعانىن اتاپ ءوتىپ، ءبىر اپتا بۇرىن عانا قاڭتار ايىنداعى مەديتسينالىق قىزمەتتەر قارجىلاندىرىلعانىن العا تارتتى. وسى ايتىلعانداردى ەسكەرە وتىرىپ، دەپۋتات ءبىرقاتار ۇسىنىستار جاسادى. اتاپ ايتقاندا، بىرىنشىدەن، تولەم قابىلەتسىزدىگىن، كوروناۆيرۋستىق پاندەمياعا بايلانىستى حالىقتىڭ تابىسىنىڭ تومەندەۋىن ەسكەرە وتىرىپ، 2020 -جىلعا جارنالاردى تولەۋدى تالاپ ەتپەۋ كەرەك، ال قورعا اۋدارىمداردى توقسان سايىن نەمەسە جارتى جىلعا ءبولۋ كەرەك.
ەكىنشىدەن، «اقشا ەمدەلۋشىگە تۇسەدى» قاعيداتى تولىعىمەن جۇمىس ىستەۋى ءۇشىن مەديتسينالىق ۇيىمداردى قارجىلاندىرۋ ءىس جۇزىندە جۇزەگە اسىرىلادى، دارىگەر مەن مەديتسينالىق ۇيىمدى تاڭداۋداعى حالىقتىڭ قۇقىقتارىنىڭ بۇزىلۋىنا جول بەرمەۋ ءۇشىن ايلىق بيۋدجەتپەن شەكتەلمەيدى.
ۇشىنشىدەن، اكىمدىكتەردىڭ، جۇمىسپەن قامتۋ ورتالىقتارىنىڭ، «اتامەكەن» ۇ ك پ- نىڭ، ءوزىن- ءوزى جۇمىسپەن قامتىعان حالىقتى ساقتاندىرۋ جونىندەگى مەملەكەتتىك كىرىستەر دەپارتامەنتىنىڭ ءتۇسىندىرۋ جۇمىستارىن جانداندىرۋ قاجەت.
