الەمدەگى ەڭ قورقىنىشتى ارالداردى بىلەسىز بە؟

ءبىزدىڭ تىزىمدەگى ارالدارعا نازار سالىڭىز. ولاردىڭ كوبىنە ادام بارۋعا تىيىم سالعان.

بۋۆە ارالى

الەمدەگى ەڭ شالعاي جەردەگى ارال افريكا مەن انتاركتيدانىڭ اراسىندا ورنالاسقان. گولليۆۋدتىڭ «بوتەن جىرتقىشقا قارسى» (Alien vs. Predator) فيلمىنىڭ كەيبىر ەپيزودتارى وسى جەردە تۇسىرىلگەن.

جاقىن مەكەن شامامەن 1500 تەڭىز ءميلى قاشىقتىقتا ورنالاسقان. ارالدا جۇمباق جەرلەر كوپ. مۇندا يادرولىق قارۋ سىنالعان دەگەن سىبىس بار. قازىرگى ۋاقىتتا ول نورۆەگيانىڭ مەنشىگى سانالادى جانە قورىق مارتەبەسىنە يە.

پوۆەگليا ارالى

ەڭ قورقىنىشتى ارالداردىڭ ءبىرى - پوۆەگليا، ول ۆەنەتسياعا جاقىن جەردە ورنالاسقان. ورتا عاسىرلاردا وبا اۋرۋىنا شالدىققان ناۋقاستاردى اكەلگەن. ناۋقاستاردى كوپتەپ ورتەگەنى سونشا ارالدىڭ توپىراعى جارتىلاي قالدىق پەن كۇلدەن تۇرادى. 1960-جىلى مۇندا پسيحياتريالىق اۋرۋحانا سالىندى. ال قازىر قاڭىراپ بوس تۇر. سەبەبى، ارالدى جەرگىلىكتى تۇرعىندار قارعىستالعان مەكەن ساناپ، ول جەرگە اياق باسپايدى.

1960-جىلدارى پسيحياتريالىق كلينيكانىڭ باسشىسى پاتسيەنتتەرىنە ءتۇرلى ەكسپەريمەنتتەر جاساعان كورىنەدى. وسىدان ءوزى دە وبادان قايتىس بولعان ءجۇز مىڭداعان ادامداردىڭ ەلەسى مەن داۋسىن ەستيتىن بولعان. كوپ وتپەي جىندانىپ، شىركەۋ مۇناراسىنان سەكىرىپ قايتىس بولعان.

شوشقالار ارالى

پيگ-بيچ (Pig Beach) - باگام ارالدارىنىڭ ەكسۋما ايماعىنداعى ادام تۇرمايتىن ارال. شوشقا جاعاجايى كەيدە مايور كەي، اعا مايور جانە اعا مايور Cay دەپ تە اتالادى.

شوشقا جاعاجايىنىڭ ەتىككە ۇقسايتىن تۇراقتى ەمەس ءپىشىنى بار. ارال سولتۇستىكتەن وڭتۇستىككە قاراي 1,8 شاقىرىمعا سوزىلىپ جاتىر، ونىڭ ەنى ماكسيمۋم 1,6 شاقىرىمعا جەتەدى، ال ونىڭ اۋدانى 0,9 ك م² قۇرايدى. ارالدا اۋىز سۋدىڭ ءۇش كوزى بار، ولار شاعىن كولدەرگە قۇيادى.

بۇل ارال - تۋريستەردىڭ سۇيىكتى جەرى. كوپشىلىگى وعان ادامداردان قورىقپايتىن جانە ارالدىڭ باتىسىندا ورنالاسقان جابايى ءۇي شوشقالارىن كورۋ ءۇشىن كەلەدى. العاش رەت شوشقالار ارالدا 2014-جىلى انىقتالعان. ارالدا شوشقالاردىڭ شىعۋ تەگى تۋرالى ناقتى اقپارات جوق. ءبىر نۇسقاعا سايكەس، شوشقالاردى مۇندا ماتروستار تاستاپ كەتكەن دەسە، باسقا نۇسقا بويىنشا ولار كەمە اپاتىنان امان قالعان. كەيبىرەۋلەر شوشقالاردى ارالعا تۋريستەردى تارتۋ ءۇشىن ارنايى اكەلدى دەپ سانايدى.

قوياندار ارالى

تەك قويانعا ارنالعان بۇل ارال جاپونيا مەملەكەتىنە تيەسىلى. ارالدا ەكىنشى دۇنيەجۇزىلىك سوعىس كەزىندە حيميالىق قارۋدى وندىرۋگە جانە سىناۋعا ارنالعان ارنايى زەرتحانالار مەن فابريكالار بولعان. كاسىپورىنداردىڭ جاسىرىن بولعانى سونشالىق، ولاردىڭ جۇمىسشىلارى دا مۇندا نە وندىرەتىنىن بىلمەگەن. بۇل ارالدى كارتادان تابا المايسىز.

ۋلى جىلاندار ارالى

سان-پاۋلۋ ماڭىنداعى كەيمادا گراندە - الەمدەگى مىڭداعان ەڭ قاۋىپتى ءارى ۋلى باۋىرىمەن جورعالاۋشىلار بار ارال. ولاردىڭ ورنالاسۋى ءبىر شارشى مەترگە 5-10 نان تۋرا كەلەدى. جىلانداردىڭ قاۋىپتى بولعانى سونشالىق، بۇل جەردى اسكەري ادامدار كۇزەتەدى. الايدا مۇندا ارا-تۇرا ءتۇرلى ەكسپەديتسيا وتكىزىلىپ تۇرادى.

ديەۆون ارالى

كانادا اۋماعىنداعى بۇل ارال ادام تۇرمايتىن جەر. تابيعاتى مارسقا ۇقساس بولعاندىقتان دا، مۇندا ادامنىڭ ءومىر سۇرۋىنە قاتىستى تاجىريبەلەر وتكىزىلەدى. ارالدا ورتاشا تەمپەراتۋرا -50 گرادۋس اياز. جازدا اۋا-رايى سيرەك +10 گرادۋسقا دەيىن جىلىنادى. الايدا بۇل جەردە جاۋىن-شاشىن جوق، ەسەسىنە قىستا قار دا جاۋمايدى.

قۋىرشاقتار ارالى

1950-جىلداردىڭ باسىندا ارالدىڭ جالعىز تۇرعىنى كوكونىس، گۇل وسىرۋمەن جانە بالىق اۋلاۋمەن اينالىسقان دجۋليان سانتانا باررەرو بولعان. ول ءدىني ىرىمشىلدىقتى ۋاعىزداعانى ءۇشىن بارريو-دە-لا-اسۋنسوننان قۋىلىپ، وسى ارالعا قونىستانعان.

اڭىز بويىنشا، 1950 نەمەسە 1951-جىلدارى بەلگىسىز قىز ارالداعى كولگە باتىپ كەتكەن. سانتانا ونىڭ ايقايىن ەستىپ، كومەككە اسىققانىمەن ۇلگەرمەگەن. كول جاعاسىنان تەك ونىڭ قۋىرشاعىن تاپقان. كىشكەنتاي قىزدىڭ قۇرمەتىنە ول قۋىرشاقتى اعاشقا ءىلىپ كەتكەن. وسىدان كەيىن سانتانا تۇندە ۇنەمى ايقاي-شۋ، اياق دىبىسىن ەستيدى. سۋعا باتقان قىزدىڭ ەلەسى جىلاپ كەلىپ، ودان قۋىرشاعىن بەرۋىن وتىنەتىن بولعان.

50 جىل بويى سانتانا قۋىرشاقتاردى ەلەستى «تىنىشتاندىرۋ» ءۇشىن ارال اعاشتارىنا ءىلىپ قويىپ ءجۇردى. وسىلايشا ارالدا 1000 عا جۋىق قۋىرشاق جينالدى.

سانتانا 2001-جىلى قايتىس بولادى، ونىڭ سەبەبى بەلگىسىز. ادامداردىڭ ءبىرى ونى سول كولگە باتىپ ءولدى دەسە، ەكىنشىسى باسقا نۇسقانى ايتادى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى