سۋەتس ارناسىنداعى قوزعالىس قالپىنا كەلتىرىلدى
بۇل تۋرالى سەيسەنبى كۇنى مىسىر ەلىنىڭ سۋ ماگيسترالى باسقارماسىنىڭ دەرەككوزى مالىمدەدى، دەپ حابارلايدى قازاقپارات تاسس اقپاراتتىق اگەنتتىگىنە سىلتەمە جاساپ.
«ارنا بويىنشا ناۆيگاتسيا Minerva Nike مۇناي قۇيۋشى تانكەرىنىڭ تەحنيكالىق اقاۋلارى جويىلعان سوڭ قالىپتى رەجيمدە جالعاستى. قازىرگى كەزدە قوزعالىس تۇراقتى نەگىزدە جۇزەگە اسىرىلۋدا، الاڭداۋشىلىققا ەش سەبەپ جوق»، - دەپ حابارلادى مىسىردىڭ سۋ ماگيسترالى باسقارماسىنان.
ەسكە سالا كەتسەك، ناۋرىز ايىنىڭ سوڭىندا سۋەتس ارناسىندا ءىرى جۇك كەمەسى تاقىرعا وتىرىپ قالىپ، الەمدە جۇكتەمەسى ەڭ كوپ ساۋدا باعدارلارىنىڭ ءبىرىن بۇعاتتادى.
بۇل جاعداي ءتىپتى تاۋارلاردى جەتكىزۋ تىزبەگىندەگى داعدارىستىڭ كۇشەيۋ قاۋپىن تۋدىرعان.
