اتى اڭىزعا اينالعان اتتيلا تۋرالى كىتاپتىڭ تۇساۋكەسەرى ءوتتى
اكادەميانىڭ قولداۋىمەن اعىلشىن تىلىندە جارىق كورىپ وتىرعان اتالعان ەڭبەكتىڭ اۆتورى - كورنەكتى عالىم، عۇن تاريحىنىڭ بىلىكتى مامانى، ماجارستاننىڭ موڭعولياداعى توتەنشە جانە وكىلەتتى ەلشىسى بوربالا وبرۋشانسكي.
عىلىمي ەڭبەك تىڭ دەرەكتەرىمەن جانە ارعى عۇن زاماندارىنان ورتا عاسىرداعى تۇركى داۋىرىنە دەيىنگى ءداستۇر ساباقتاستىعىن جاڭا كوزقاراس تۇرعىسىنان سارالاعانىمەن ەرەكشەلەنەدى.
حالىقارالىق تۇركى اكادەمياسىندا وتكەن جاڭا باسىلىمنىڭ تۇساۋكەسەر راسىمىنە ماجارستاننىڭ سىرتقى ساۋدا جانە سىرتقى ىستەر ءمينيسترى پەتەر سييارتو، قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى، حالىقارالىق تۇركى اكادەمياسىنىڭ پرەزيدەنتى دارحان قىدىرالى، ماجارستاننىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ميحاي گالوشفاي، سونىمەن قاتار ماجارستان دەلەگاتسياسى، مەملەكەت جانە قوعام قايراتكەرلەرى قاتىستى.
