الماتىدا حالىقتى جاپپاي ۆاكسيناتسيالاۋ باستالدى

الماتى قالاسى قوعامدىق دەنساۋلىق ساقتاۋ باسقارماسىنىڭ وكىلى لاۋرا ءمىرزاعاليدىڭ ايتۋىنشا، الماتىدا ساعات 16:30-عا دەيىن ۆاكسينانى 4 مىڭنان استام ادام الدى. ۆاكسيناتسيا ناۋقانى بەلسەندى جۇرگىزىلىپ جاتىر.

«قازىرگى ۋاقىتتا الماتىدا 56 ەگۋ كابينەتى بار، ولاردىڭ 16 سى جەكە مەنشىك. ءبىز كوروناۆيرۋسقا قارسى ۆاكسيناتسيانى العىسى كەلەتىندەردىڭ بارلىعىن قارسى الامىز. ءساۋىر ايىندا 250 ەگۋ پۋنكتىن اشۋ جوسپاردا»، — دەدى لاۋرا مىرزاعالي.

ول الماتىنىڭ 30 دان استام ساۋدا ورتالىقتارىندا كوروناۆيرۋستان ەكپە سالدىرۋعا بولاتىنىن ءمالىم ەتتى. ۆاكسيناتسيا سالدىرعىسى كەلگەن كەز كەلگەن ادام ەكپە الا الادى. 1 -ءساۋىر كۇنى قالاعا 21860 دوزا ۆاكسينا جەتكىزىلدى.

«قازىرگى ۋاقىتتا ءبىز الماتى قالاسىندا ۆاكتسيناتسيا جوسپارىن ازىرلەدىك، بۇگىن ول اكىممەن كەلىسىلەتىن بولادى. ازىرشە ءبىز بارلىق ۇيىمداستىرۋ ماسەلەلەرىن پىسىقتاپ جاتىرمىز، ۆاكسيناتسيالاۋدىڭ ۋاقىتشا پۋنكتتەرىنىڭ ورىندارىن پىسىقتاپ جاتىرمىز، سونداي- اق وسى ۋچاسكەلەردە كەزەكشىلىكتى كىم اتقاراتىنىن انىقتايمىز»، — دەدى دارىگەر.

سونىمەن بىرگە، قازىر قىزمەت ەتىپ جۇرگەن مەديتسينا قىزمەتكەرلەرىنە الماتىنىڭ مەديتسينالىق كوللەدجدەرىنىڭ تۇلەكتەرى كومەكتەسەتىن بولادى. سوندىقتان ەگۋ پۋنكتتەرىندە «ماماندار جەتىسپەۋشىلىگى» بولادى دەپ الاڭداۋعا نەگىز جوق.

ەگۋ كابينەتتەرى مەكتەپتەردە، بازارلاردا، سونداي- اق س و و- دا اشىلادى. الدىن الا ءتىزىم جاسالدى. بۇدان باسقا، الماتى بازارلارىنىڭ اۋماعىندا: وجەت، اق بۇلاق، كەنجەحان، تاستاق، وربيتا، ولجا، بايسات، تۇركسىب جانە باسقا ورىنداردا پۋنكتتەردى ۇيىمداستىرۋ ماسەلەسى قاراستىرىلۋدا.

ايتا كەتەيىك، ۆاكسينانىڭ ءبىرىنشى كومپونەنتى %100 يگەرىلدى، بارلىعى 15750 دوزا پايدالانىلدى. «سپۋتنيك- V» ەكىنشى كومپونەنتىمەن ۆاكتسيناتسيا (ريەۆاكتسيناتسيا) 15 -ساۋىرگە دەيىن جالعاسادى. الماتىعا ءساۋىر مەن ماۋسىم ارالىعىندا ۆاكتسينانىڭ قوسىمشا 750 مىڭ دوزاسى جەتكىزىلەدى. ءسوز سوڭىندا لاۋرا مىرزاعالي جاپپاي ۆاكسيناتسيالاۋ كەزىندە دۇرلىگۋدىڭ قاجەتى جوق ەكەنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى