نۇر-سۇلتانداعى سۇرىلەتىن ۇيلەردىڭ ءتىزىمىن قايدان الۋعا بولادى

رەداكسيانىڭ ساۋالىنا جولداعان جاۋابىندا اكىمدىك ماماندارى وسىنداي مالىمەت بەردى، دەپ حابارلايدى قازاقپارات.

ءوز ءۇيىڭىزدىڭ بۇل تىزىمدە بار- جوعىن ءبىلۋ ءۇشىن نۇر- سۇلتان قالاسىنىڭ تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ رەسمي سايتىنا كىرۋ كەرەك.

«بۇزۋعا جاتاتىن اپاتتىق ۇيلەردىڭ تىزبەسى نۇر-سۇلتان قالاسىنىڭ تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ zhil-astana.kz رەسمي سايتىندا جاريالانادى» دەيدى اكىمدىك وكىلدەرى.

مامانداردىڭ ايتۋىنشا، اپاتتى ۇيلەردىڭ ءتىزىمى ءار بەس جىل سايىن جاڭارتىلىپ وتىرۋى كەرەك. قازىرگى جاعداي بويىنشا، سۇرىلەتىن ۇيلەردىڭ باسىم بولىگى بايقوڭىر جانە سارىارقا اۋداندارىندا شوعىرلانعان.

«ءتىزىم 5 جىلعا جاسالادى جانە ونى قالا اكىمدىگى بەكىتەدى. بۇگىنگى كۇنى نۇر-سۇلتان قالاسى بويىنشا 219 تۇرعىن ءۇي اپاتتى دەپ تانىلدى:

«الماتى» اۋدانى - 10؛ «بايقوڭىر» اۋدانى - 105؛ «ەسىل» اۋدانى-2؛ «سارىارقا» اۋدانى - 102» دەپ جازىلعان باسقارمانىڭ رەسمي جاۋابىندا.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى